ކުޑަކުދިންނަށްދޭ ބޭހެއްގައި ނުރައްކާތެރި މާއްދާއެއް ހުރުމުން މޯލްޑިވްސް ފޫޑް އެންޑް ޑްރަގް އޮތޯރިޓީ (އެމްއެފްޑީއޭ) އެކަން ޢާންމުންގެ ސަމާލުކަމަށް ގެނެސްފިއެވެ.
އެ އޮތޯރިޓީން ނެރުނު އިއުލާނެއްގައި ބުނެފައިވަނީ ކުޑަކުދިންނަށް ދޭ ސިރަޕްތަކުގައި ސިއްހީ ނުރައްކަލަށް ހުށަހެޅިދާނެ މާއްދާއެއް ކަމަށްވާ، "diethylene glycol and ethylene glycol” ހުރިކަމަށް ދުނިޔޭގެ ސިއްހަތު ޖަމިއްޔާއިން މީގެ ކުރިން ސަމާލުކަމަށް ގެނެސްފައިވާ ކަމަށެވެ. .
ޑަބްލިއުއެޗްއޯއާ ހަވާލައިދީ އެ އޮތޯރިޓީން އިތުރަށް ބުނެފައިވަނީ އޭގެ ފަހުން ނެރުނު އެލާޓެއްގައި "ނޭޗަކޯލްޑް" ނަމަކަށް ކިޔާ ކުޑަކުދިންގެ ސިރަޕްގައި ވެސް އެ މާއްދާތައް ހިމެނޭ ކަމަށް ފާހަގަކުރެވިފައިވާ ކަމަށެވެ.
އެމްއެފްޑީއޭއިން ބުނިގޮތުގައި އެ ސިރަޕަކީ އިންގްލެންޑުގެ ފްރެކެން އިންޓަނޭޝަނަލްގައި އުފައްދައި ކެމަރޫންގައި ދައުރުވަމުންދާ ބޭހެކެވެ.
އެ އޮތޯރިޓީން ބުނީ އެ ސިރަޕަކީ ރާއްޖެއަށް އިމްޕޯޓް ކުރުމާއި ވިއްކުމަށް ހުއްދަ ދީފައިވާ ބޭހެއް ނޫން ކަމަށާއި ނަމަވެސް ބޭސް ސިޓީއަށް ނުވަތަ އެނޫން ގޮތަކުން ވެސް ރާއްޖެއަށް އެ ބޭސް އެތެރެކުރުމުގެ ފުރުސަތު އޮތްކަމަށެވެ. އެހެންވެ އެކަމަށް ސަމާލުވުމަށް އެމްއެފްޑީއޭއިން ވަނީ އިލްތިމާސްކޮށްފައެވެ.
Advertisement
This content is created and paid for by advertisers and does not involve Voice Journalists
