Advertisement
"ރައްޔިތުން އަޅުގަނޑާ ހަވާލުކުރި މަސައްކަތް ކޮށްދިނުމަށް ކަންތައްތަކެއް ކޮށްދެވިއްޖެ ކަމުގެ އިޙްސާސް މިއަދު ކުރެވޭ"
ރައްޔިތުން ހަވާލުކުރި މަސައްކަތް ކޮށްދިނުމަށް ކަންތައްތަކެއް ކޮށްދެވިއްޖެ ކަމުގެ އިހްސާސް މިއަދު ކުރެވޭ ކަމަށް ރައީސް އިބްރާހިމް މުޙައްމަދު ޞާލިޙް ވިދާޅުވެއްޖެއެވެ.
ރައީސް ޞާލިޙް މިހެން ވިދާޅުވީ ށަވިޔަނި އަތޮޅަށް ރައީސް ކުރައްވަމުން ގެންދަވާ ކެމްޕޭނު ދަތުރުފުޅުގައި އެއަތޮޅު މާއުނގޫދޫ އަށް ވަޑައިގެން އެރަށު ރައްޔިތުންނާއި އެކު ބޭއްވެވި ޖަލްސާގައި ވާހަކަފުޅުދައްކަވަމުންނެވެ.
"ރައްޔިތުން އެދުހު ބޭނުންވީ ހަމަޖެހުމާއި މަސަލަސްކަން ރާއްޖޭގައި ޤާއިމް ކުރަން، ރައްޔިތުން އެދުވަހު ބެނުންވީ ރައްޔިތުންނަށް ނުލިބި ހުރި އަސާސީ ޚިދްމަތްތައް ތަފާތު ކުރުމެއް ނެތި އެންމެންނަށް ހޯދައި ދިނުމަށް، ދަރިންނަށް ތަޢުލީމު ނުދެވި ތިބި އާއިލާތަކުން ބޭނުންވީ އެކުދިން މަތީ ތަޢުލީމާއި ހަމައަށް ފޯރު ކޮށްދެވޭނެ ގޮތެއް ހޯދަން" ރައީސް ޞާލިޙް ވިދާޅުވިއެވެ.
Advertisement
ރައީސް ވިދާޅުވީ މިއީ އޭރު ރައްޔިތުން މައިގަނޑު ގޮތެއްގައި އެމަނުކުފާނާއި ހަވާލުކުރެއްވެވި ކަންކަންކަމަށާއި، އޭގެ ގާތްގަނޑަކަށް ފަސްއަހަރު ފަހުން މިއަދު ވާހަކަ ދައްކަވާއިރު ހިތްހަމަޖެހުން ލިބިވަޑައިގަންނަވާ ކަމަށެވެ. އަދި ރައްޔިތުން އެމަނިކުފާނާއި ހަވާލުކުރެއްވި މަސައްކަތް ކުރުމަށް މަސައްކަތްތަކެއް ކުރެވިއްޖެ ކަމުގެ އިހްސާސް ކޮންމެރަށަކުންވެސް ފެންނަކަމަށާއި، އެކަމާއި ވަރަށް ހިތްހަމަޖެހިވަޑައިގަންނަވާކަމަށް ރައީސް ވިދާޅުވިއެވެ.
އަދި އެކަންކަން އެގޮތަށް ކުރެއްވިފައިވަނީ އެމަނިކުފާނުގެ އަރިހުގައި ތިއްބެވި އެމަނިކުފާނުގެ މިނިސްޓަރުންގެ ވެސް މަސައްކަތް ތަކާއި އެކުގައި ކަމަށެވެ.
ރައީސް ޞާލިޙް ވިދާޅުވީ މީގެ ކުރިންވެސް އެތައް ޒަމާނެއްވަންދެން ރާއްޖޭގައި ވެރިކަންތަކެއް ކޮށްފި ކަމަށާއި، އެހެންނަމަވެސް އެމަނިކުފާނާއި ހިސާބަށްއައިރު ރާއްޖޭގެ ރައްޔިތުންނަށް އަސާސީ ޚިދްމަތްތައް ފޯރު ކޮށްދެވިފައިނުވާ ކަމަށް އެމަނިކުފާނު ވިދާޅުވިއެވެ.
"އެހެންވެ ރާއްޖޭގައި މިވެރިކަމުގައި 141 ރަށުގައި ފެނާއި ނަރުދަމާގެ މަޝްރޫޢު ހިންގަން މިޖެހުނީ، އެހެންވެ 150 ރަށެއްގައި އިންޖީނުގެ އަޅައި އިންޖީނު ބަދަލުކޮށް ނެޓްވޯކް އަޅަން މިޖެހުނީ، 125 ރަށެއްގެ ބަނދަރު ހަދަން މިޖެހުނީ އެހެންވެ، ދެން ތިބޭފުޅުން ވިސްނަވާ މީގެ ކުރީގެ ސަރުކާރުތަކުން ކަން ކުރަމުންއައިގޮތް"
ރައީސް އިބްރާހިމް މުހައްމަދު ޞާލިޙް
މީގެއިތުރުން ރައީސް ޞާލިޙް ވިދާޅުވީ 2018 ވަނަ އަހަރާއި ހަމައަށް އެއްވެސް މީހެއްގެ ދަރިޔަކަށް ހިލޭ މަތީ ތަޢުލީމު ހޯދޭނެ ގޮތެއް ނެތް ކަމަށާއި، ފުދުންތެރިކަން ހުރި މީހެއްގެ ދަރިޔަކަށް މެނުވީ ޑިގްރީއާއި ހިސާބަށް ކިޔެވޭކަށް ނެތް ކަމަށެވެ
ނަމަވެސް މިހާރު 18000 އެތައް ދަރިވަރަކު އެދަނީ ޑިގްރީ އަށް ކިޔަވަމުންދާ ވާހަކަ ހިތްހަމަޖެހުމާއިއެކު ދަންނަވާލެވޭ ކަމަށް އެމަނިކުފާނު ވިދާޅުވިއެވެ.
ރައީސް ޞާލިޙް ށަވިޔަންޏަށް ކުރައްވަމުން ގެންދަވާ ދަތުރުފުޅުގައި އެއަތޮޅުގެ 4 ރަށަކަށް އެމަނިކުފާނުގެ ޓީމާއި އެކު ވަޑައިގެންފައިވެއެވެ.
Advertisement
Advertisement
Advertisement
This content is created and paid for by advertisers and does not involve Voice Journalists
Advertisement
