ހއ އުތީމު ސިއްހީމަރުކަޒަށް އިތުރު ކުރެވުނު އިމާރާތާއި އެރަށު ސްކޫލުގައި އަލަށް ގާއިމްކުރެވުނު ހަތަރު ކްލާސް ރޫމްގެ އިމާރާތް ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު ރަސްމީކޮށް މިއަދު ހުޅުއްވައިދެއްވައިފިއެވެ. 

ރައީސް ސޯލިހު ހއ ގެ ރަށްތަކަށް ކުރައްވަމުން ގެންދަވާ ދަތުރުފުޅުގައި އެ އަތޮޅު އުތީމަށް ވަޑައިގެން ހުޅުއްވައި ދެއްވި  އަލަށް އިތުރުކުރި އިމާރާތުގައި ޕަބްލިކް ހެލްތު ޔުނިޓާއި އިދާރީ ޔުނިޓާއި ކައުންސިލިންގ ރޫމުގެ އިތުރުން ގަރާޖު ހިމެނެއެވެ.

މި އިމާރާތުގެ މަސައްކަތްކޮށްފައި ވަނީ ޕާފެކްޓް މަލަފެހި މޯލްޑިވްސް ޕްރައިވެޓް ލިމިޑެޓާ ހަވާލުކޮށްގެންނެވެ.

Advertisement

އަދި ޣާޒީ ބަންޑާރައިން ސްކޫލުގައި އިމާރާތްކުރި 4 ކްލާސްރޫމުގެ މަސައްކަތް ކޮށްފައި ވަނީ ބަދަހި އިންވެސްޓްމަންޓް ޕްރައިވެޓް ލިމިޓެޑާ ހަވާލުކޮށްގެންނެވެ.

ރިޔާސީ އިންތިހާބުގެ ކެމްޕެއިނަށް ރައީސް ގިނަ ރަށްތަކަކަށް ދަތުރުކުރައްވަމުން ގެންދަވާއިރު، ގިނަ ރަށްރަށަށް ވަޑައިގެން އެމަނިކުފާނުން އަންނަނީ އައު ދައުރަކަށް ގިނަ ވައުތުތަކެއް ވެލައްވަމުންނެވެ. 

މީގެ އިތުރުންވެސް އެ މަނިކުފާނުން އަންނަނީ، ބައެއް ރަށްރަށުގައި ތަރައްގީގެ މަޝްރޫއުތައް ފަށައި ބައެއް ރަށްތަކުގައި މިހާރު ނިމިފައިވާ މަޝްރޫއުތައް އިފްތިތާހުކޮށްދެއްވަމުންނެވެ.