ޕާކިސްތާން އެމްބަސީއިން ޔައުމުއެ އިސްތިހްސާލް ކަޝްމީރު ފާހަގަކޮށްފިއެވެ.
ޔައުމުއެ އިސްތިހްސާލް ކަޝްމީރް ފާހަގަ ކުރުމަށް ބޭއްވި ރަސްމިއްޔާތު އޮތީ ހުޅުމާލޭގައި ހުންނަ ޕާކިސްތާނު އެމްބަސީގައެވެ.
ޔައުމުއެ އިސްތިހްސާލް ކަޝްމީރަކީ 2019 ވަނަ އަހަރުގެ އޮގަސްޓު 5 ވަނަ ދުވަހު އިންޑިޔާގެ ސިފައިން ޖައްމު އާއި ކަޝްމީރަށް އަރައިގަނެފައިވާތީ ކަޝްމީރުގެ އަޚުންނާއި އުޚްތުންނާއި އެކު ތިބިކަން ދައްކުވައިދިނުމަށް ފާހަގަކުރާ ދުވަހެކެވެ.
އެދުވަސް ފާހަގަ ކުރުމުގެ ބޭނުމަކީ ބައިނަލްއަގްވާމީ ދުނިޔޭގެ ސަމާލުކަމަށް އެކަން ގެނައުންކަމަށް ޕާކިސްތާނު އެމްބަސީ އިން ބުނެފައިވެއެވެ.
އެދުވަސްފާހަގަ ކުރުމުގެ ގޮތުން ޕާކިސްތާނު އެމްބަސްގައި މިއަދު ބޭއްވި ރަސްމިއްޔާތު ފަށައިފައިވަނީ ކީރިތި ޤުރުއާނުގެ ބަރަކާތުންނެވެ.
މި ރަސްމިއްޔާތުގައި ޕާކިސްތާނު ހައިކޮމިޝަނަރ ވަނީ ވާހަކަފުޅުދައްވައިފައެވެ.
މިރަސްމިއްޔާތުގައި ޖައްމު ކަޝްމީރުގެ މައްސަލައާއި ގުޅޭ ޑޮކިޔުމެންޓްރީ އެއް ވަނީ ދައްކައިފައެވެ. އަދި އެހާދިސާގައި ޝަހީދުވި މީހުންނަށް ހެޔޮ ދުޢާތައް ކޮށްފައިވެއެވެ.
މިރަސްމިއްޔާތުގައި ރާއްޖޭގައި ދިރިއުޅޭ ޕާކިސްތާނު ރައްޔިތުންނާއި ބައެއް ދިވެހިން ވަނީ ބައިވެރިވެފައެވެ.
Advertisement
This content is created and paid for by advertisers and does not involve Voice Journalists
