އައު ރިޔާސީ ދައުރަކަށް ހޮވައިދެއްވައިފިނަމަ، މަޑަވެލި-ހޯޑެއްދޫ ދެމެދުގައި އަޅާމުންދާ ކޯސްވޭގެ މަޒައްކަތް ނިންމައި އެ ދެމެދުގައި ފަސޭހައިން އުޅަނދުތަކަށް ދަތުރުކުރެވޭ ގޮތް ހައްދަވައިދެއްވާނެ ކަމުގައި ރައީސުލް ޖުމްހޫރިއްޔާ އިބްރާހިމް މުހައްމަދު ސޯލިހް ވިދާޅުވެއްޖެއެވެ. 

އެމަނިކުފާނު މިފަދައިން ވިދާޅުވީ މި އަހަރުގެ ރިޔާސި އިންތިހާބުގެ ކެމްޕެއިންގެ ތެރެއިން ގއ ހޯނޑެއްދުއަށް ވަޑައިގެން އެ މަނިކުފާނަށް ތާއީދު ކުރައްވާ ފަރާތްތަކާއި ބައްދަލުކުރައްވައި ދެއްކެވި ވާހަކަފުޅުގައެވެ. 

ރައީސްގެ ގިނަ ވައުދުތަކެއް ހޯނޑެއްދޫ ރައްޔިތުންނަށް ވެ ވަޑައިގެން މި ވާހަކަފުޅުގައި އިތުރަށް އެ މަނިކުފާނު ވިދާޅުވީ، ރަށުގެ އުތުރުފަރާތުގައި މި ސަރުކާރުން ގާއިމްކުރި ހައުސިންގް ޔުނިޓް ސަރަހައްދުގައި އައު މިސްކިތެއް އަޅުއްވައިދެއްވާނެ ކަމަށާއި، އަދި އަންހެނުންނަށް ޚާއްސަ ވޮލީ ކޯޓަކާއި ފުޓްސަލް ދަނޑެއް އެ ރަށުގައި އަޅައިދެއްވާނެ ކަމަށެވެ. 

މީގެ އިތުރުން، ހޯނޑެއްދޫގައި ބޮޑު ފުޓުބޯޅަ ދަނޑެއް އަޅައިދެއްވާނެ ކަމުގައި ވައުދުވަމުން އެމަނިކުފާނުން ވިދާޅުވީ ހޯނޑެއްދޫއަށް ދިމާވެފައިވާ ރަށްގިރުމުގެ މައްސަލައަށްވެސް ހައްލެއް ހޯއްދަވައިދެއްވާނެ ކަމުގައި ރައީސް ވިދާޅުވިއެވެ. 

މިއާއެކު ރައީސް ވިދާޅުވީ ކުރިއަށް އޮތް ރިޔާސީ އިންތިހާބުގައި އެމަނިކުފާނުގެ އެދުމަކީ ސަރުކާރާއި ކުޑަކޮށް ޚިޔާލު ތަފާތުވެފައި ތިއްބެވި ބޭފުޅުންނާއެކު، ހޯނޑެއްދޫއިން 98 އިންސައްތައަށްވުރެ ބޮޑު އަގުލަބިއްޔަތެއް އިންތިހާބުގައި ކާމިޔާބުކުރެއްވުން ކަމުގައެވެ.