މި ސަރުކާރުން މިހާތަނަށް ހިންގި އަދި މިހާރު ހިންގަމުން އަންނަ މަޝްރޫއުތަކާ އެކު ރަށްތަކަށް އިންގިލާބީ ބަދަލުތަކެއް އަންނާނެ ކަމުގައި ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު މިއަދު ވިދާޅުވެއްޖެއެވެ.
ރައީސް މިފަދައިން ވިދާޅުވީ، ކުރިއަށް އޮތް ސެޕްޓެމްބަރު މަހުގެ 9 ވަނަ ދުވަހުގައި ބާއްވާ ރިޔާސީ އިންތިހާބަށް ކެމްޕޭން ކުރަން އެމްޑީޕީން މިހާރު އަރިއަތޮޅަށް ކުރާ ދަތުރުގައި އއ. ބޮޑުފޮޅުދޫގައި ބޭއްވި ޖަލްސާގައި އެ ރަށުގެ ސަޕޯޓަރުންނާއި ބައްދަލުކުރައްވައި ދެއްކެވި ވާހަކަފުޅުގައެވެ. ރައީސްގެ ވާހަކަފުޅުގައި ވިދާޅުވީ 2018 ވަނަ އަހަރުގެ ރިޔާސީ އިންތިހާބަށް އެމްޑީޕީން "ވައުދުވީ ވައުދު ފުއްދަން" ކަމުގައި ވިދާޅުވެ ރައީސްވަނީ އެ ވައުދުތަކުގެ 90 ޕަސެންޓް ވައުދު މިހާރު ހުރީ ފުއްދައި ނިމި ނުވަތަ ނިމުމުގެ މަގުމަތީގައި ކަމުގައި ވިދާޅުވެފައެވެ.
އެގޮތުން ރައީސް ވިދާޅުވީ ރަށްރަށަށް ބޭނުންވެފައިވާ އަސާސީ ހިދުމަތްތައް ގާއިމްކުރުމުގެ ބޭނުމަކީ އިގުތިސާދީ ގޮތުން ރައްޔިތުންނަށް ތަނަވަސްކަން ހޯދައިދިނުން ކަމުގައެވެ.
"މިއާ އެކީގައި މިިއިން ކޮންމެ ރަށަކަށް ބޮޑު އިންގިލާބެއް އަންނާނެ. އެއީ ލޯކަލް ޓޫރިޒަމް ކަމަށް ވިޔަސް، ވިޔަފާރިކުރަން ކަމަށް ވިޔަސް އަދި ގެދޮރު އަޅަން ކަމަށް ވިޔަސް، އަޅުގަނޑުމެން މިތިބީ އެކަމަށް އެހީތެރިވެދޭން ތައްޔާރަށް"
ރައީސް ވިދާޅުވިއެވެ.
ރިޔާސީ އިންތިހާބުގައި ވާދަކުރައްވާ އެހެން ކެންޑިޑޭޓުން ރަށްތަކުގެ ރައްޔިތުންނަށް ވާނެ އިތުރު ވައުދެއް ނެތް ކަމަށް ވިދާޅުވެ އެ ފަރާތްތަކަށް
މިއަހަރުގެ ރިޔާސީ އިންތިހާބުގައި ރައީސް ސޯލިހުގެ އިތުރުން ދަ ޑިމޮކްރެޓްސްގެ ކެންޑިޑޭޓާއި ޖުމްހޫރީ ޕާޓީގެ ލީޑަރު ގާސިމް ހިމެނިވަޑައިގަންނަވާ ގޮތުން ޖުމްލަ އަށް ބޭފުޅަކު ވާދަކުރައްވަ އެވެ.
Advertisement
This content is created and paid for by advertisers and does not involve Voice Journalists
