ރާއްޖޭގައި ހުރީ ދިވެހިންގެ ރާއްޖެއެއް ހޯދަން ދަންނަ އެންމެ މާލިމީއެއް ކަމަށާއި އެ މާލިމީ އާއި ދިވެހިންނާ ވަނީ ވަކިކޮށްލައިފައި ކަމުގައި ޕީއެންސީގެ ރައީސް އަބްދުއްރަހީމް އަބްދުالله ވިދާޅުވެއްޖެވެ.
އަބްދުއްރަހީމް މިފަދައިން ވިދާޅުވީ، އިދިކޮޅު ކޯލިޝަންގެ ރިޔާސީ ކެންޑިޑޭޓް ޑރ މުހައްމަދު މުއިއްޒުގެ ރިޔާސީ ކެމްޕެއިންގައި މިއަދު ގދ މަޑަވެއްޔަށް ވަޑައިގެން އެ ރަށުގެ ސަޕޯޓަރުންނާއި ބައްދަލުކުރައްވާ ދެއްކެވި ވާހަކަފުޅުގައެވެ.
އަބްދުއްރަހީމު ވިދާޅުވީ ދިވެހިންގެ ރާއްޖެ ހޯދަން ދަންނަ ހަމައެކަނި މާލިމީ ގެންގޮސް މިއަދު އޮތީ ޖަލުގެ ކުޑަ ގޮޅީގައި ބާއްވައިފައިކަމުގައެވެ.
އެހެންކަމުން ދިވެހިންގެ ރާއްޖެ ހޯދަން ފެށި ދަތުރު ފަށަން ޖެހިފައިވަނީ މާލިމީއެއް ނުލައި ކަމުގައި ވިދާޅުވެ އަބްދުއްރަހީމު ވިދާޅުވީ، ކުރަމުން ދަނީ ހަގީގަތުގައި ވަރަށް އުނދަގޫ، ދަތި، އަނދިރި އަދި އެހާމެ ކޮޅިގަނޑުތައް ގިނަ ދަތުރެއް ކަމުގައެެވެ.
އެހެންނަމަވެސް މީގަ އަޅުގަނޑުމެންނަށް އެންމެ ބޮޑު ހިތްވަރެއް ލިބުނީ އަޅުގަނޑުމެންގެ މި ދިވެހިންގެ ރާއްޖެ ހޯދަން މި ދަތުރު ފެށި ނައުގެ ފަޅުވެރިންނަކީ، ވަރަށް ހިތްވަރުގަދަ ބައެެއް
އަބްދުއްރަހީމް އަބްދުالله
މީގެ އިތުރުން އަބްދުއްރަހީމް ވިދާޅުވީ މި އޮޑީގެ ފަޅުވެރިން ތިބީ ގަދަ ވަޔާއި އެއްވަރާއި ވައިގައި ދަތުރުކުރުމަށް ތައްޔާރަށް ކަމުގައެވެ.
މީގެ އިތުރުން އަބްދުއްރަހީމް ވަނީ އެ ފަޅުވެރިންގެ ދިން ހިތްވަރުން ހިތްވަރު ލިބިގެން މިހާ ހިސާބަށް އައި އިރު ދިވެހިންނަން ދިވެހިންގެ ރާއްޖޭގެ މަލަމަތި ފެންނަން ފަށައިފިކަމުގައެވެ.
އަބްދުއްރަހީމުގެ ވާހަކަފުޅުގައި ވިދާޅުވީ ދިވެހިންގެ ކުރިއަށް އޮތް 12 ވަރަކަށް ދުވަސްތެރޭގައި އެ ނައު ބަނދަރުކުރާނީ އަމާންކަމާއެކު ދިވެހިންގެ ރާއްޖޭގެ އައްސޭރިއަށް ކަމުގައެވެ.
Advertisement
This content is created and paid for by advertisers and does not involve Voice Journalists
