ކުރީގެ ރައީސުން ކަމަށްވާ ރައީސް މައުމޫން ޢަބްދުލް ޤައްޔޫމާއި ރައީސް މުޙައްމަދު ނަޝީދު އަދި ޑރ. މުހައްމަދު ވަހީދު މިއަދު ކުރިއަށްދާ ރިޔާސީ އިންތިޚާބުގައި ވޯޓު ލައްވައިފިއެވެ.

ތިން ކެންޑިޑޭޓުންގެ ތެރެއިން މައުމޫން ތާއީދު ކުރެއްވީ ދަރިކަލުން ފާރިސް މައުމޫން އަށެވެ. އަދި ނަޝީދު އެމަނިކުފާނުގެ ޕާޓީ، ދަ ޑިމޮކްރެޓްސް ގެ ކެންޑިޑޭޓް އިލްޔާސް ލަބީބު އަށް ތާއީދު ކުރައްވާ އިރު، ވަހީދުގެ ތާއީދު އޮތީ ޖޭޕީގެ ކެންޑިޑޭޓް ގާސިމް އިބްރާހިމް އަށެވެ. 

އިންތިޚާބުގެ ވޯޓުލުން 8 ޖެހިއިރު ފެށުނު އިރު އިންތިޚާބުގައި ވާދަކުރައްވާ ކެންޑިޑޭޓުންގެ ތެރެއިން ކެންޑިޑޭޓް ނަންބަރު 1 ޢުމަރު ނަޞީރު ފިޔަވައި ހުރިހާ ބޭފުޅުންވެސް ވަނީ ވޯޓު ލައްވައިފައެވެ.

ކެންޑިޑޭޓުންގެ ރަނިންގމޭޓުންނާއި ސިޔާސީ ގޮތުން ފާހަގަ ކޮށްލެވޭ ފަރާތްތައް ހިމެނޭގޮތައް ގިނަ ބަޔަކު ދަނީ ވޯޓު ލުމަށް ނުކުންނަމުންނެވެ. 

ވޯޓު ކިޔު ބަންދު ކުރަނީ 4:00 ގައެވެ.