ވޯޓުފޮށިތައް ކައިރީގައި ވޯޓު ކަރުދާހުގައި ޖަހާ ފާހަގަ ދެއްކުމާއި، ފޮޓޯ ނެގުން ފަދަ ގާނޫނާއި ޚިލާފު ޢަމަލުތައް ކުރާ މީހުންނާމެދު ފިޔަވަޅުއެޅުމަށް އިދިކޮޅުު ޕީޕީއެމް/ ޕީއެންސީން ގޮވާލައިފި އެވެ.
އިދިކޮޅުން ނެރުނު ބަޔާނެއްގައި ބުނީ، ރިޔާސީ އިންތިޚާބުގެ ވޯޓުލުން މިއަދު ކުރިއަށްދާއިރު ވޯޓު ފޮށިތައް ކައިރީގައި ގަވައިދާ ޚިލާފަށް ބައެއް ކަންކަން ހިނގަމުންދާ ކަމަށެވެ.
"އެގޮތުން ވޯޓު ކަރުދާހުގައި ފާހަގަ ޖަހާފައި ދެއްކުމާއި އެކިކަހަލަ އާލާތްތައް ބޭނުންކޮށްގެން ފޮޓޯ އާއި ވީޑިއޯ ނެގުންފަދަ ކަންކަން ބައެއް ފަރާތްތަކުން ކުރަމުން އެބަދެއެވެ. މިކަމަކީ މި ކޯލިޝަނުން އެއްގޮތަކަށްވެސް ބަލައިގަންނަ ކަމެއް ނޫނެވެ." އިދިކޮޅުގެ ބަޔާނުގައި ބުނެފައިވެއެވެ.
އެހެންކަމުން، މިފަދަ ކަންކަން ހުއްޓުވާދެއްވާ މިފަދަ ޢަމަލުތައް ތަކުރާރު ނުވާނެ ގޮތަކަށް އިންތިޒާމުތައް ހަމަޖައްސަވައިދެއްވުމަށް އިދިކޮޅުުން ވަނީ އިލެކްޝަންސް ކޮމިޝަނަށް ގޮވާލާފައެވެ.
އަދި ޤާނޫނާއި ޤަވައިދުގެ ތެރެއިން ސުލްޙަވެރިކަމާއި އަމާންކަމާއެކު ވޯޓުލުމުގެ ކަންކަން ކުރިއަށް ގެންދެވޭނެ ގޮތަކަށް ކަންކަން އިންތިޒާމް ކޮށްދެއްވާ އެކަން ކަށަވަރުކޮށްދެއްވުމަށްވެސް ވަނީ އިލެކްޝަންސް ކޮމިޝަނަށް ގޮވާލާފައެވެ.
މިއާއެކު އިދިކޮޅުުން ވަނީ ޤާނޫނާއި ޤަވައިދާ ޚިލާފަށް ޢަމަލުކުރި ފަރާތްތަކާ ދެކޮޅަށް ފިޔަވަޅު އެޅުއްވުމަށް ގޮވާލާފައެވެ.
ވޯޓު ލުމަށްފަހު ވޯޓު ދެއްކުމާއި، ސްޕައި ޕެން ފަދަ އާލާތްތައް ބޭނުންކޮށްގެން ވޯޓުލާންދާ މައްސަލަތައް ފެންމަތިވަމުން އަންނައިރު، އެއީ ކުށެއް ކަމަށާއި އެ މައްސަލަ ތަހުގީގު ކުރުމަށް ޕީޖީ އަށް ހުށަހަޅާނެ ކަމުގައި އިލެކްޝަންސް ކޮމިޝަނުގެ ނައިބުރައީސް ހަބީބު ވަނީ ވިދާޅުވެފަ އެވެ.
Advertisement
This content is created and paid for by advertisers and does not involve Voice Journalists
