ހުކުރު ދުވަހުގެރޭ ދަންވަރު މޮރޮކޯއަށް އައި 6.8 މެގްނެޓިޔުޓްގެ ބިންހެލުމަށް އެތައް ވަގުތެއް ފާއިތުވީ ފަހުން ބިންހެލުމުގައި ވެއްޓުނު ޢިމާރާތެއްގެ ދަށުން ވިހޭތާ ގިނަ ދުވަހެއް ނުވާ ތުއްތު ކުއްޖަކު ސަލާމަތް ކޮށްފިއެވެ.

އެކުއްޖާ ވެއްޓިފައި އޮތް ޢިމާރާތުގެ ދަށުން ނެގުނު އިރު އެއްވެސް ގެއްލުމެއް ލިބިފައެއް ނުވެއެވެ.

ބިންހެލުމަށްފަހު ބިންހެލުން އައި މަރްކަޝް އަކީ މޮރޮކޯގެ ތާރީޚީ ބިނާތަކެއް އެތަނުގައި ހުންނަ އަވަށެވެ. ބިންހެލުމުގައި ގެއްލުން ވެފައިވަނީ މޮރޮކޮޝް އާއި މޮރޮކޮޝް އާއި ޖެހިގެން ހުރި 7 ވަރަކަސް އަވަށަށެވެ.

ބިންހެލުމުގައި ބޮޑެތި ގެއްލުން ލިބުނު މޮރޮކޮޝްގެ މީހުން އެމީހުންގެ ބޯހިޔަވަހިކަން ގެއްލިފައިވާތީ، މިހާރު ނިދަމުން ދަނީ އަވަށުގެ މަގުތައްމަތީގައެވެ.

ބިންހެލުމާއި ގުޅިގެން އެތައް ފަހަރަކު އާފްޓަރ ޝޮކްތައް ވެސް އައިސްފައިވެއެވެ.

ދިރިހުރި މީހަކު ފެނޭތޯ ރެސްކިޔު ޓީމްތަކުން ކުރާ މަސައްކަތުގެ ތެރެއިން ޢިމާރާތް ތަކިގެ ދަށުން ގިނައިން ފެންނަނީ މަރުވެފައިވާ މީހުންގެ ހަށިތަކެކެވެ.

"އެންމެން ގެއްލިއްޖެ، އަހަރެންގެ ހިތް ފަޅައިގެން ހިނގައްޖެ، އަހަންނަށް އަހަރެންގެ އިޙްސާސްތައް ކޮންޓްރޯލެއް ނުކުރެވޭ،" 62 އަހަރުގެ ޒަޙްރާ ބެންބްރިކް ބުނެފައިވެއެވެ.

ޒަޙްރާ ބުނީ އޭނާގެ އާއިލާގެ 18 މީހަކު މަރުވެއްޖެ ކަމަށާއި، އޭނާގެ އެއްބަނޑުއެއްބަފާ ފިރިހެނަކު އަދިވެސް އޮތީ ޢިމާރާތް ތަކުގެ ދަށުގައި ތާށިވެފައި ކަމަށެވެ.

"އަހަރެން އެދެނީ ރެސްކިޔު ވޯކަރުން އަވަހަށް އޭނާ އެތަނުން ނެރެ ދިނުމަށް، އަހަންނަށް ހަމަޖެހިގެން ރޯލެވޭނީ އޭރުން" ޒަޙްރާ ބުނެފައިވެއެވެ.

2000 އަށް ވުރެ ގިނަ މީހުން މަރުވެ 2000 އަށް ވުރެ ގިނަ މީހުންނަށް މި ބިންހެލުމުގައި އަނިޔާވެފައިވެއެވެ. ހާލުގައި ޖެހުނު ފަރާތްތަކަށް އެހީވުމަށް ރާއްޖޭގެ އިންޓަރނޭޝަނަލް އެއިޑް ކެމްޕޭން(އައިސީ) އިން ވަނީ މިހާރު ހުޅުވާލައިފައެވެ.