މޮރޮކޯއަށް ހުކުރުދުވަހުގެ ރޭ އައި 6.8 މެގްނެޓިޔުޓްގެ ބިންހެލުމުގެ ސަބަބުން އެހީއަށް ބޭނުންވެފައިވާ ފަރާތްތަކަށް ބައިނަލްއަޤްވާމީ އެހީތައް ދަނީ ލިބެމުން ކަމަށް އަލްޖަޒީރާއިން ބުނެފައެވެ.
މީހުން ސަލާމަތް ކުރުމުގެ މަސައްކަތުގައި އުޅެމުންދާ މީހުންނަށް މީހުން ސަލާމަތް ކުރުމަށް އަންނަނީ އެތައް ދަތިތަކެއް ކުރިމަތިވަމުންނެވެ.
6.8 މެގްނެޓިޔުޓްގެ ބާރު މިނުގައި އައި މި ބިންހެލުން ތަކުގައި 2500 އެއްހާ މީހުން ޒަޙަމްވެ 2500 އެއްހާ މީހުން ވަނީ މަރުވެފައެވެ. އަދި ޒަޚަމްވި މީހުންގެ ތެރެއިން ގިނަ ބައެއްގެ ޙާލު ގޯސް ކަމަށް އަލްޖަޒީރާގައި ވަނީ ބުނެފައެވެ.
މޮރޮކޯގެ ވެރިކަން ކުރާ ރަބަތުން ބުނެފައިވަނީ ބައެއް ޤައުމު ތަކުގެ އެހީ މިހާރު ބަލައިގަނެފައިވާ ކަމަށެވެ. އެގޮތުން ޤަޠަރް އަދި ސްޕެއިންގެ ފުރަތަމަ އެހީ އާއި ޔޫއޭއީ އަދި ޔޫކޭގެ ސާރޗް އެންޑް ރެސްކިޔު ވޯކަރުންގެ ޓީމު ތަކުގެ އެހީ ހިމެނެއެވެ.
ބައިނަލް އަޤްވާމީ ޖަމިއްޔާއެއް ކަމަށްވާ ޔޫރަޕިއަން ޔޫނިއަން އިން ވަނީ 1.7 މިލިއަން ޑޮލަރުގެ އެހީގެ ގޮތުގައި މޮރޮކޯއަށް ދިނުމަށް ނިންމައިފައެވެ.
ބިންހެލުމުގެ ސަބަބުން ޢިމާރާތްތަކާއި ގެތައް ހަލާކުވުމުގެ ސަބަބުން ގިނަ ޢާއިލާތަކަކަށް މަގުމަތީގައި ވަގުތީ ޓެންޓުތަކެއް ޖަހައިގެން ބޯހިޔާވަހިކަން ހޯދަން މަޖުބޫރު ވެފައިވާކަމަށް އަލްޖަޒީރާގައި ބުނެފައިވެއެވެ.
Advertisement
This content is created and paid for by advertisers and does not involve Voice Journalists
