މޮރޮކޯއަށް އައި 6.8 މެގްނެޓިޔުޓް ބާރު މިނުމުގެ ބިންހެލުމުގައި މަރުވި މީހުންގެ ޢަދަދު 2800 އިން މައްޗަށް އަރައިފިއެވެ.

ހުކުރުދުވަހުގެ ރޭ މޮރޮކޯއަށް އައި ބިންހެލުމުގައި ވެއްޓުނު ޢިމާރާތްތަކުގެ ދަށުން ދިރި އޮއްވާ މީހަކު ފެނޭތޯ ސަރޗް އެންޑް ރެސްކިޔު ޓީމްތަކުން އަންނަނީ ވަރުބަލި ކަމެއް ނެތި މަސައްކަތްތަކެއް ކުރަމުންނެވެ.

ސްޕެއިން، އިންގިރޭސި ވިލާތް އަދި ޤަޠަރުގެ ސަރޗް އެންޑް ރެސްކިޔު ޓީމްތަކުން ވަނީ މޮރޮކޯގެ ސަރޗް އެންޑް ރެސްކިޔު ޓީމާއި ގުޅިފައެވެ.

Advertisement

މޮރޮކޯގެ ޤައުމީ ޓީވީ އިން ބުނެފައިވަނީ ބިންހެލުމުގެ ސަބަބުން މަރުވި މީހުންގެ ޢަދަދި މިހާރު 2862 އަކަށް އަރައިފައިވާ ކަމަށާއި، އެކިވަރުގެ ޒަޚަމް ލިބިފައިވާ މީހުންގެ ޢަދަދު 2562 އަކަށް އަރައިފައިވެއެވެ. ރެސްކިޔު ވޯކަރުން ބުނެފައިވަނީ ބިންހެލުން އައި ސަރަހައްދަކީ ޢިމާރާތް ކުރުމަށް ކުރީގެ ގަދީމީ އެޅިގައު ބޭނުން ކޮށްފައިވާ ސަރަހައްދެއް ކަމުން މީހުން ދިރިތިއްބައި ސަލާމަތްކުރުމަށް އުނދަގޫ ކަމެއް ހުރި ކަމަށެވެ.

އިމިންތަލާ އަވަށުގައި މީހުން ސަލާމަތްކުރުމަށް މަސައްކަތް ކުރަމުން އަންނަ ސްޕެއިންގެ ރެސްކިޔު ވޯކަރަކު ބުނެފައިވަނީ މުޅި އަވަށް ވަނީ އެއްކޮށް ހަލާކުވެފައި ކަމަށާއި، ހަމައަށް ކޮއްޅަށް ހުރި އެންމެ ގެއެއްވެސް ނުފެންނަ ކަމަށެވެ.

ލިބިފައި ހުރި ބޮޑެތި ގެއްލުން ތަކާއި އެކުވެސް އަދި މީހުން ފެނޭތޯ ކުރަ މަސައްކަތުގައި އުންމީދެއް އެބަ އޮތް ކަމަށެވެ