ހުކުރުދުވަހުގެ ރޭ މޮރޮކޯއަށް އައި 6.8 މެގްނެޓިޔުޓްގެ ބިންހެލުމުގެ ސަބަބުން ޙާޅުގައި ޖެހި އެހީތެރިކަމަށް ބޭނުންންވެފައި ތިބި  ފަރާތްތަކަށް އެމަޖެންސީ އެހީއާއި އެހެނިހެން ތަކެތި ފޯރު ކޮށްދިނުމަށް ބޭނުންވާ ރިލީފް ފަންޑު ހޯދުމަށް ކުރާ މަސައްކަތް ފުޅާ ކުރުމަށް މަސައްކަތް ކުރަމުން ދާ ކަމަށް އައިއޭސީ އިން ހާމަކޮށްފިއެވެ.

އައިއޭސީ އިން ބުނެފައިވަނީ މޮރޮކޯއަށް ދިމާވި ވަރުގަދަ ބިންހެލުމާއި ގުޅިގެން އަޅުގަނޑުމެން ހުޅުވާލައިފައިވާ އެމަރޖެންސީ ރިލީފް އިތުރަށް ފުޅާކޮށް, ދިވެހީންގެ ބައިވެރިވުން އިތުރު ކުރުމަށްޓަކާ ޖަމްއިޔާތަކާއި އައިއޭސީ އިން ދަނީ ބައްދަލު ކުރަމުންކަމަށެވެ.

އައިއޭސީ އިން ބުނީ މިހަރަކާތް ތަކުގައި އެކި ޖަމިއްޔާތަކާއި ކުލަބްތަކުން ދަނީ ބައިވެރިވަމުން ކަމަށެވެ. އަދި އެހަރަކާތާއި ގުޅޭ ޖަމިއްޔާތައް ސޯޝަލް މީޑީއާ މެދުވެރިކޮށް ހާމަކުރަމުން ދާނެ ކަމަށްވެސް އެޖަމިއްޔާއިން ބުނެފައިވެއެވެ.

 ހާމަކުރަމުން. "މި ހިތާމަވެރި ދަނޑިވަޅުގައި އެންމެން އެކަތިގަނޑަކަށްވެ، މޮރޮކޯގެ ރައްޔިތުންނަށް ވެވުނު ގޮތަކުން އެހީވުމަށް އަޅުގަނޑުމެން ގޮވާލަން" އައިއޭސީ އިން ބުނެފައިވެއެވެ.

މީގެ އިތުރުން އައިއޭސީއިން ބުނެފައިވަނީ މިވަގުތައް އެންމެ ބޭނުންވާނެ އެހީ ފޯރުކޮށް ދިނުމައްޓަކައި އައިއޭސީގެ ޓީމުންދަނީ ނީޑްސް އެސެސްމަންޓްގެ މަސައްކަތް ކުރަމުންކަމަށެވެ.

މޮރޮކޯއަށް އައި ބާރުގަދަ ބިންހެލުމަށް ތިން ދުވަސް ވެފައިވާއިރު ސާރޗް އެންޑް ރެސްކިއުގެ ޓީމް ތަކުން ދަނީ ބިމާ ހަމަވެފައިވާ ގެތަކާއި ހިލަތަކުގެ ތެރެއިން ދިރިހުރި ފުރާނައެއް ފެނޭތޯ ވަރުބަލި ކަމެއް ނެތި ކެނޑިނޭޅި މަސައްކަތް ކުރަމުންނެވެ.

ބިންހެލުމުގައި މަރުވި މީހުންގެ ޢަދަދު މިހާރުވަނީ 2800 އިން މައްޗަށް ގޮސްފައެވެ. އަދި 2500 އަށްވުރެ ގިނަ މީހުންނަށް އެކިކަހަލަ ޒަޚަމްތައް ވަނީ ލިބިފައެވެ.

މީގެ އިތުރުން އެތައް ބަޔަކު ވަނީ ބޯހިޔާވަހިކަން ގެއްލި މަގުމަތިވެފައެވެ.