މޮރޮކޯއަށް 9 ސެޕްޓެމްބަރު ގައި އައި ބާރުގަދަ ބިންހެލުމުގެ ސަބަބުން ޙާލުގައި ޖެހުނު މޮރޮކޯގެ ރައްޔިތުންނަށް ބޭނުންވާ އެހީގެ ސާމާނު އިންޓަރނޭޝަނަލް އެއިޑް ކެމްޕޭނުން ބަހަން ފަށައިފިއެވެ.

އައިއެސީ އިން ބުނެފައިވަނީ  "ރެޑީ ޓު އީޓް" ޕެކްތަކެއް ބުރާސްފަތި ދުވަހު ބެހުފައިވާ ކަމަށާއި، ފުރަތަމަ ޓާގެޓަކީ 48 ގަޑިއިރުތެރޭ 1000 އާއިލާއަކަށް "ރެޑީ ޓު އީޓް" ޕެކްތައް ފޯރުކޮށްދިނުން ކަމަށް ބުރާސްފަތި ދުވަހުގެރޭ އައިއޭސީއިން ބުނެފައިވެއެވެ.

އައިއޭސީ އިން ބަހަން ތައްޔަރުކޮށްފައިވާ އެހީގެ ސާމާނު. ފޮޓޯ: އައިއޭސީ

މީގެ އިތުރުން އައިއޭސީ އިން ބުނެފައިވަނީ އެހީގެ ތަކެތީގެ ގޮތުގައު ބެހުމަށް ހަމަޖެހިފައިވަނީ ބްލެންކެޓްސް، ކާބޯތަކެތީގެ ޕެކޭޖް، ރެޑީ ޓު އީޓް ޕެކްސް، ހައިޖީން ކިޓްސް އަދި ގޮނދަޑި އެވެ.

އަދި އެތަކެތި ފޯރުކޮށްދޭނީ އެހީގެ ގާފިލާގެ އެއްގެ ގޮތުގައި ކަމަށެވެ.

މޮރޮކޯއަށް ދިމާވި ބިންހެލުމާއި ގުޅިގެން އަޅުގަނޑުމެން އިއުލާން ކުރި އެމަރޖެންސީ ރިލީފް ފަންޑަށް މިވަނީ މިވަގުތާ ހަމަޔަށް 727,826.62 ރުފިޔާ ލިބިފައި ވާކަމަށް އައިއޭސީ އިން ބުނެފައިވެއެވެ. 

އައިއޭސީ އިން ބުނެފައިވަނީ  މޮރޮކޯގެ ހާލަތު މިހެން އޮއްވާ ލީބިޔާއަށް މިވަނީ ފެންބޮޑުވުމުގެ ސަބަބުން އެތައް ގެއްލުންތަކެއްވެސް 6000 އަށް ވުރެ ގިނަ މީހުން މަރުވެ އެތައް ހާސް ބައެއް ވީނުވީއެއް ނޭނގި ގެއްލިފައި ކަމަށެވެ.

ދުނިޔޭގެ އެކި ހިސާބުތަކަށް މިގޮތަށް އެތަކެއް ކާރިސާތަކެއް ކުރިމަތިވަމުންދާ މި ދަނޑިވަޅުގައި އަޅުގަނޑުމެންނަށް ފަސޭހަކަމާއިއެކު އެ ތަންތަނަށް އެހީ ފޯރުކޮށްދެވޭނެ މަގަކީ ކޮބާތޯ ބެލުމަށް ފަހު " ކްރައިސިސް އެމަރޖެންސީ ރިލީފް " ގެ ނަމުގައި ޕްރޮޖެކްޓެއް ފަށަން ނިންމާފައި ކަމަށް އައިއޭސީ އިން ބުނެއެވެ.

އަދި މިވަގުތުން ފެށިގެން މި ފަންޑުން ލިބޭ ފައިސާ ބޭނުން ކުރެވިގެން ދާނީ މޮރޮކޯ އަދި ލީބިޔާއަށް. އެ ގައުމަކަށް އެހީ އެންމެ ބޭނުންވާ މިންވަރު ދެނެގަނެ އެތަނަކަށް އެންމެ އެކަށޭނަ އެހީ ފޯރުކޮށްދިނުމުގައި މި ފަންޑަށް ލިބޭ ފައިސާ ދާނީ ބޭނުން ކުރެވެމުން ކަމަށް އައިއޭސީއިން އިތުރަށް ބުނެފައިވެއެވެ.