މޮރޮކޯއަށް ސެޕްޓެމްބަރު 9 ވަނަ ދުވަހު އައި ބާރުގަދަ ބިންހެލުމާއި ގުޅިގެން އައިއޭސީ އިން މޮރޮކޯގައި ހާލުގައި ޖެހުފައިތިބި މީހުންނަށް އެހީވުމަށް ކުރިއަށް ގެންދާ ހަރަކާތްތަކުގައި ބައިވެރިވުމަށް ރާއްޖޭގެ ރޭސިންގ އެސޯސިއޭޝަނާއި އާއި ދެމެދު ސޮއިކޮށްފިއެވެ.
އައިއޭސީ އިން ބުނެފައިވަނީ މި އެއްބަސްވުމުގެ ދަށުން އައިއޭސީ އާއި ރޭސިންގ އެސޯސިއޭޝަން ގުޅިގެން އިތުރު ހަރަކާތް ތަކެއް ހިންގޭނެ ކަމަށާއި އަދި ރޭސިން އެސޯސިއޭޝަންގެ ފަރާތުން ވަނީ މި ހަރަކާތަށް އެހީ ފޯރުކޮށްދީފައި ކަމަށެވެ.
މޮރޮކޯއަށް އައި ބިންހެލުމާއި ގުޅިގެން ޙާލުގައި ޖެހުނު ފަރާތްތަކަށް އެހީވުމަށް އައިއޭސީ އިން މިހާރުވެސް ވަނީ އެމެޖެންސީ ރިލީފް ފަންޑު ހުޅުވާލައިފައެވެ.
މި ފަންޑަށް ލިބެމުންދާ ފައިސާ އިން އައިއޭސީ އިން ދަނީ މޮރޮކޯގެ ރައްޔިތުންނަށް އެހީތެރިކަން ފޯރުކޮށްދެމުންނެވެ.
އައިއޭސީ އިން ބުނެފައިވަނީ އައިއޭސީގެ ޓީމް މިދަނީ ބާރު ދުވެލީގައި މޮރޮކޯގެ ރައްޔިތުންނަށް އެހީ ފޯރުކޮށް ދިނުމުގެ މަސައްކަތް ކުރަމުން ކަމަށެވެ.
އަދި ރޭވިގެންދާ ގޮތެއްގައި، ވަކި އުސޫލެއްގެ މަތިން، އެއްވެސް ނިކަމެއްޗެއް ބާކީ ނުވެ، އިއްޒަތާއި އަބުރާއިއެކު އެހީ ލިބޭނެ ގޮތަށް ހުރިހާ ކަމެއް ވާނީ އިންތިޒާމް ކުރެވިފައި ކަމަށާއި މި މަސައްކަތްތަށް މި ކުރެވެނީ ކަމާބެހޭ ވުޒާރަތަކާއި، މުއައްސަސާތަކާއި ގުޅިގެން ކަމަށް ވެސް ބުނެފައިވެއެވެ.
Advertisement
This content is created and paid for by advertisers and does not involve Voice Journalists
