ރަށުން ބޭރުގައި މަސައްކަތްކުރާ ޕްރިންސިޕަލުންނަށް 7000ރ. ގެ އެލަވަންސެއް ދޭން މިއަދު ނިންމައިފި އެވެ.
އެޑިއުކޭޝަން މިނިސްޓްރީން ކުރި ޓްވީޓެއްގައި ބުނީ އަމިއްލަ ރަށް ނޫން އެހެން ރަށެއްގައި ވަޒީފާ އަދާކުރާ ޕްރިންސިޕަލުންނަށް "ރޫރަލް ރިޓެންޝަން ޕޮލިސީ" ގެ ދަށުން އެލަވަންސެއް ދޭން ނިންމާފައިވާ ކަމަށެވެ.
އަދި އެ ޕޮލިސީގެ ދަށުން އެލަވަންސް ދޭން ޝަރުތު ހަމަވާ ޕްރިންސިޕަލުންނާ، މިނިސްޓަރ، ޑރ އާއިޝަތު ޢަލީ އިއްޔެ ބައްދަލުވުމެއް ބާއްވާފައިވާ ކަމަށާ، މި ބައްދަލުކުރެއްވުމުގައި އެ ޕޮލިސީ އާއި ގުޅޭ އިތުރު މަޢުލޫމާތު ޕްރިންސިޕަލުންނާ ހިއްސާކުރައްވާފައިވާ ކަމަށެވެ.
ރަށުން ބޭރުގައި މަސައްކަތްކުރާ ޕްރިންސިޕަލުންނަށް މީގެ ކުރިން ވެސް ވަކި އެލަވަންސެއް ދިނެވެ. އެކަމަކު، މިދިޔަ އަހަރުގެ މެއި މަހު އަމަލުކުރަން ފެށި ވަޒީފާގެ އާ އޮނިގަނޑުގައި ރަށުން ބޭރުގެ އެކޮމަޑޭޝަން ވަނީ އުނިކޮށްފަ އެވެ. އެކަމުގެ ކަންބޮޑުވުންތައް ބައެއް ޕްރިންސިޕަލުން ވެސް އޭރު ފާޅުކުރި އެވެ.
އެހެން ރަށެއްގައި މަސައްކަތްކުރާ ޕްރިންސިޕަލަކަށް އޭރު އެލަވަންސްގެ ގޮތުގައި 9،000ރ. ދިނެވެ.
Advertisement
This content is created and paid for by advertisers and does not involve Voice Journalists
