ރައްޔިތުންގެ މަޖިލީހުގެ ރައީސް މުހައްމަދު ނަޝީދަށް ތާއީދުކުރާ މެންބަރުން އިސްވެ އުފެއްދި ދަ ޑިމޮކްރެޓްސް ގެ އެޓޯލް ކޯޑިނޭޓަރުން، ޕީޕީއެމް/ޕީއެންސީގެ ރިޔާސީ ކެންޑިޑޭޓް ޑރ މުހައްމަދު މުއިއްޒަށް ތާއީދު ކުރައްވައިފި އެވެ.
ޕީޕީއެމް/ ޕީއެންސީގެ ރިޔާސީ ކެންޑިޑޭޓް ޑރ މުހައްމަދު މުއިއްޒުގެ ރަނިންމޭޓާއި އެ ކޯލިޝަންގެ ލީޑަރޝިޕް ބޭފުޅުން އިއްޔެގެ ވަގުތެއްގައި ވަނީ ޑިމޮކްރެޓްސް ގެ އެޓޯލް ކޯޑިނޭޓަރުންނާއިއެކު ބައްދަލުވުމެއް ބާއްވާފައެވެ.
އެ ބައްދަލުވުމާއި ގުޅޭގޮތުން މައުލޫމާތު ދެމުން ޕީޕީއެމުން ބުނެފައިވާ ގޮތުގައި، އެއީ ޑިމޮކްރެޓްސް ގެ އެޓޯލް ކޯޑިނޭޓަރުން ޑރ މުޢިއްޒަށް ތާއީދު ކުރެއްވުމާއި ގުޅިގެން ކުރިއަށް ގެންދެވުނު މަޝްވަރާ ބައްދަލުވުމެއް ކަމަށެވެ.
ކުރިއަށް އޮތް ރިޔާސީ އިންތިހާބުގެ ދެވަނަ ބުރުގައި، އިންތިހާބުގެ ފުރަތަމަ ބުރުން ތިންވަނައަށް އެންމެ ގިނަ ވޯޓު ހޯދި ޑިމޮކްރެޓްސްގެ އިންޓަރިމް ކައުންސިލްއިން ނިންމީ ދެވަނަ ބުރުގައި ވަކި ކޮޅަކަށް ނުޖެހުމަށެވެ.
އެހެން ނަމަވެސް، އެ ޕާޓީގެ ގިނަ އާއްމު މެންބަރުން ތަކެއް އަންނަނީ ޑރ. މުޢިއްޒަށް ތާއީދުކޮށް، އެމަނިކުފާނަށް ވެރިކަން ހޯދައިދިނުމަށް ކެންޕެއިން ކުރުމުގެ މަސައްކަތް ކުރަމުންނެވެ.
Advertisement
This content is created and paid for by advertisers and does not involve Voice Journalists
