ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު ގެ މި ކޯލިޝަން ސަރުކާރުގެ މަގާމުތަކުގައި ތިއްބެވި ގިނަ ބޭފުޅުންތަކެއް ރިޔާސީ އިންތިހާބުގެ ދެވަނަ ބުރުގައި ޕީޕީއެމް/ޕީއެންސީގެ ރިޔާސީ ކެންޑިޑޭޓް ޑރ. މުހައްމަދު މުއިއްޒަށް ތާއިދު ކުރައްވަން ނިންމައިފިއެވެ.

އިއްޔެ ހަވީރު ގަލޮޅު ކަންމަތީގައި ބޭއްވި ކަންމަތީ ޖަލްސާގައި ޑރ. މުޢިއްޒަށް ތާއީދު ކުރައްވާކަން ހާމަކުރައްވާފައި ވަނީ މޯލްޑިވްސް ރީފޯމް މޫވްމެންޓް (އެމްއާރްއެމް)ގެ ސްލޮޓްގައި ސަރުކާރުގެ މަގާމް ތަކުގައި ތިއްބެވި އެޕާޓީގެ އިސް ބައެއް ފަރާތްތަކުންނެވެ. 

ޑރ. މުއިއްޒަށް ތާއިދު ކުރަން ނިންމެވި ބޭފުޅުންގެ ތެރޭގައި ހިމެނެނީ؛

1) އިސްމާއިލް ޒަބީހް (ކުރީގެ ޑެޕިއުޓީ މިނިސްޓަރ އެމްއާރްއެމް އެކްސްކޯ މެންބަރު)

2) އަލީ ތޯއިފް (ސީނިއާ އެގްޒެކެޓުވް ޑިރެކްޓަރ އެމްއާރްއެމް އެކްސްކޯ މެންބަރު)

3) އިސްމާއިލް ރައޫފް(ސީނިއާ އެގްޒެކެޓުވް ޑިރެކްޓަރ އެމްއާރްއެމް އެކްސްކޯ މެންބަރު)

4) އަބްދުالله އަނީސް (ޔޫތު މިނިސްޓްރީގެ ޑެޕިއުޓީ މިނިސްޓަރ, އެމްއާރްއެމް އެކްސްކޯ މެންބަރު)

5) އަހްމަދު ޒިޔާން އަބްދުއްރަހްމާން (އެންވަޔަރަމެންޓް މިނިސްޓރީގެ ޑެޕިއުޓީ މިނިސްޓަރ, އެމްއާރްއެމް އެކްސްކޯ މެންބަރު)

6) ޝިމާޒް އަލީ (ޑެޕިއުޓީ މިނިސްޓަރ)

7) ޒާން އަހްމަދު ނިޔާޒް

8) އަހްމަދު އިބްރާހިމް (އެމްއާރްއެމް ކުރިގެ އެކްސްކޯ މެންބަރު)

ރިޔާސީ އިންތިހާބުގެ ފުރަތަމަ ބުރުގައި އަމިއްލަ ގޮތުން ވާދަކުރެއްވި އެމްއާރްއެމްގެ ރައީސް ފާރިސް މައުމޫން އާއި, ޖޭޕީގެ ލީޑަރު ގާސިމް އިބްރާހިމް ގެ އިތުރުން ޑިމޮކްރެޓްސް ގެ އިލްޔާސް ލަބީބާއި އަމިއްލަ ގޮތުން ވާދަކުރެއްވި ޒަމީލް އާއި އުމަރު ނަސީރު ނިންމަވާފައި ވަނީ ދެވަނަ ބުރުގައި ވަކި ކޮޅަކަށް ތާއީދު ނުކުރުމަށެވެ. އެހެން ނަމަވެސް, އެ ޕާޓީ ތަކާއި ފަރާތްތަކަށް ތާއީދު ކުރައްވާ ފަރާތް ތަކުން އަންނަނީ ދެ ފަރާތަށް ބެހެމުންނެވެ.