މަގުމަތިން ހިނގާހާ ކަމެއް ޕީޕީއެމް އަށް ނިސްބަތް ކުރުމަކީ ބޭއިންސާފެއް ކަމަށް ކުރީގެ އިސްލާމިކް މިނިސްޓަރ ޑރ މުޙައްމަދު ޝަހީމް ޢަލީ ސަޢީދު ވިދާޅުވެއްޖެއެވެ.
ޑރ ޝަހީމް މިހެން ވިދާޅުވީ އޭނާ ކުރެއްވެވި ޓްވީޓެއްގައެވެ.
ޑރ ޝަހީމް މިފަދައިން ޓްވީޓް ކުރައްވައިފައި މިވަނީ ކުރީގެ އޮޑިޓާ ޖެނެރަލްއަކަށް ހުންނެވި ނިޔާޒް އިބްރާހިމް މަގުމަތިން ސައިކަލުގައި ދަނިކޮށް މީހަކު ސުވާލުތަކެއް ކުރިމަތިކޮށް އެއަށް ޖަވާބު ދެއްވުމެއް ނެތި ވަޑައިގަތުމަށް ފަހު ކުރައްވާފައިވާ ޓްވީޓެއްގެ ސަބަބުންނެވެ.
ނިޔާޒް ވިދާޅުވެފައިވަނީ މިހާރުއްސުރެ ޕީޕީއެމްގެ އަސްލު ސިފަ މިދަނީ ފެންނަމުން ކަމަށާއި، ވެރިކަން ލިބިއްޖެއްޔާ ކަންތައް ހުންނާނެ ގޮތް އަންދާޒާ ކޮށްލުމަށެވެ.
ނިޔާޒްގެ މިބަހަށް ރައްދު ދެއްވައި ޑރ ޝަހީމް ވިދާޅުވެފައިވަނީ މަގުމަތިން ދިމާވާހާ ކަމެއް ޕީޕީއެމް އަށް ނިސްބަތް ކުރުމަކީ ބޭއިންސާފެއް ކަމަށާއި، ޕީޕީއެމް އަކީ ޤައުމީ އެތައް ޚިދްމަތްތެރި ބައެއް އުޅޭ ޕާޓީއެއް ކަމަށެވެ.
އަދި ނިޔާޒަކީ ޕީޕީއެމުން ރައްދު ދޭން ޖެހޭ ވަރުގެ ބޭފުޅެއްކަމަސް އެޕާޓީ އިން ނުދެކޭ ކަމަށާއި، ނިޔާޒް ބޭނުންފުޅު އެއްޗެއް ނިޔާޒް ކިޔުއްވަންވީ ކަމަށެވެ.
Advertisement
This content is created and paid for by advertisers and does not involve Voice Journalists
