ޕީއެންސީ/ޕީޕީއެމްގެ ރިޔާސީ ކެންޑިޑޭޓް ޑރ މުޙައްމަދު މުޢިއްޒަކީ ޢިލްމުވެރި ހިންގުންތެރި މުރާލި ބޭފުޅެއް ކަމަށާއި، އެފަދަ ވެރިއެއްގެ ވެރިކަން ދެކެން ބޭނުންފުޅު ވެލައްވާ ކަމަށް ކުރީގެ އިސްލާމިކް މިނިސްޓަރ ޑރ މުޙައްމަދު ޝަހީމް ޢަލީ ސަޢީދު ވިދާޅުވެއްޖެއެވެ.
ޑރ ޝަހީމް ކުރެއްވި ޓްވީޓެއްގައި ވިދާޅުވީ ޑރ މުޢިއްޒަކީ މުރާލި ހިންގުންތެރި ޢިލްމުވެރި ބޭފުޅެއް ކަމަށާއި، އަދި އިސްލާމް ދީނަށް ހުރުމަތްތެރި ކޮށް ހިއްތަވާ ބޭފުޅެއް ކަމަށެވެ.
"އަޅުގަނޑު ވަރަށް ދެކެން ބޭނުންވާ ދުވަހެއް ޒަމާނީ ތަޢުލީމުގެ އެންމެ އުސް ހަރުފަތަށް ވާސިލްވެފައިވާ މިފަދަ ބޭފުޅެއް ރާއްޖޭގެ ރައީސް ކަމުގައި ހުންނަވާތަން" ޑރ ޝަހީމް ވިދާޅުވެފައިވެއެވެ.
ޑރ ޝަހީމްގެ މި ޓުވީޓާއި އެކު ކުރައްވައިފައިވާ އެހެން ޓުވީޓެއްގައި ޑރ މުޢިއްޒުގެ ރަނިންގމޭޓް ހުސެއިން މުޙައްމަދު ލަތީފަށް ވެސް ތަޢުރީފް ކުރައްވައިފައި ވެއެވެ.
އެގޮތުން ހުސެންއަކީ އަޒްހަރު ޔުނިވާސިޓީ އިން ތަޢުލީމް ހާސިލް ކުރައްވައިފައިވާ ބޭފުޅެއް ކަމަށާއި ޢިލްމީ ބޭފުޅުން ޤައުމުގެ އިސްމަޤާމުތަކުގައި ތިއްބެވުމަކީ ވަރަށް މުހިންމު ކަމެއް ކަމަށް ޑރ ޝަހީމް ވިދާޅުވެފައިވެއެވެ.
Advertisement
This content is created and paid for by advertisers and does not involve Voice Journalists
