ޕީޕީއެމް ޕީއެންސީގެ ރިޔާސީ ކެންޑިޑޭޓް ޑރ މުހައްމަދު މުއިއްޒަށް ތާއީދު ކުރާކަން ހާމަކުރި ޒުވާނުން ތަކެއް ވަޒީފާއިން ވަކިކޮށްފި އެވެ. 

މިއަދުގެ ވަގުތެއްގައި ވަޒީފާއިން ވަކި ކުރިކަން އަންގާފައިވަނީ އިއްޔެގެ ވަގުތެއްގައި ޑރ. މުޢިއްޒަށް ތާއީދު ކުރައްވާކަން ހާމަ ކުރެއްވި ސްޓޭޓް މިނިސްޓަރުން ތަކެކެވެ. އެގޮތުން އެމްއާރްއެމްގެ ސްލޮޓުގައި ސަރުކާރުގެ މަގާމު ތަކުގައި ތިއްބެވި 5 ޒުވާން ސްޓޭޓް މިނިސްޓަރުން ވަނީ މަގާމުން ވަކި ކޮށްފައެވެ. އެއީ؛ 

1) އަލީ ތޯއިފް (ހެރިޓޭޖް މިނިސްޓްރީގެ ސީނިއާ އެގްޒެކެޓުވް)

Advertisement

2) އިސްމާއިލް ރައޫފް (ޔޫތު މިނިސްޓްރީގެ ސީނިއާ އެގްޒެކެޓުވް ޑިރެކްޓަރ)

3) އަބްދުالله އަނީސް (ޔޫތު މިނިސްޓްރީގެ ޑެޕިއުޓީ މިނިސްޓަރ)

4) އަހްމަދު ޒިޔާން އަބްދުއްރަހްމާން (އެންވަޔަރަމެންޓް މިނިސްޓރީގެ ޑެޕިއުޓީ މިނިސްޓަރ)

5) ޝިމާޒް އަލީ (ޔޫތު މިނިސްޓްރީގެ ޑެޕިއުޓީ މިނިސްޓަރ)

މި ހުރިހާ ޒުވާނުންވެސް ވަޒީފާއިން ވަކިކޮށްފައިވާކަމުގެ ސިޓީ އެފަރާތްތަކަށް މިއަދު ރައީސް އޮފީހުން ވަނީ ފޮނުއްވާފައެވެ. 

މީގެ ކުރިންވެސް ސަރުކާރުގެ ސިޔާސީ މަގާމުތަކުގައި ތިއްބެވި ބޭފުޅުން، ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު ފިޔަވައި އެހެން ފަރާތްތަކަށް ތާއީދު ކުރާކަން ހާމަ ކުރުމުން އެ ފަރާތްތަށް ސަރުކާރުގެ މަގާމުތަކުން ވަކިކޮށްފައިވެއެވެ. 

އެކަމާއި ގުޅިގެން ގިނަ ބައެއްގެ ފާޑުކިޔުންތައް ވެސް ސަރުކާރަށް އަންނަނީ އަމާޒުވަމުންނެވެ.