އިދިކޮޅު ޕީޕީއެމް-ޕީއެންސީއިން މިއަދު ހަވީރު މާލޭގައި ސައިކަލު ބުރެއް ބޭއްވުމަށް ތައްޔާރުވެއްޖެއެވެ.
އިދިކޮޅުން ބުނީ، "ދިވެހިންގެ ރާއްޖެ" ނަމުގައި ބާއްވާ ވި ސައިކަލު ބުރު ފަށަން ހަމަޖެހިފައި ވަނީ މިއަދު ހަވީރު 3:45 ގައި ކަމަށާ، ސައިކަލު ބުރު ފެށުމަށް ހަމަޖެހިފައިވަނީ ޕީޕީއެމް އޮފީސް ދޮރުމަތިން ކަމަށެވެ.
މި ހަރަކާތުގައި އިދިކޮޅުގެ ރިޔާސީ ކެނޑިޑޭޓް ޑރ. މުހައްމަދު މުއިއްޒުގެ ރަނިންމޭޓު އަދި ރައްޔިތުންގެ މަޖިލީހުގެ ފަރެސްމާތޮޑާ ދާއިރާގެ މެމްބަރު ހުސައިން މުހައްމަދު ލަތީފް (ސެންބެ) ބައިވެރިވެ ވަޑައިގަތުމަށް ހަމަޖެހިފައިވާ ކަމަށް ވެސް އެ ޕާޓީން ބުނެއެވެ.
ރިޔާސީ އިންތިހާބުގެ ދެވަނަ ބުރުގެ ވޯޓުލުން އަންނަ ހޮނިހިރު ދުވަހު ބާއްވާއިރު، އިދިކޮޅުު ރިޔާސީ ކެންޑިޑޭޓް ޑރ. މުހައްމަދު މުޢިއްޒު މިވަގުތު ހުންނެވީ ކެންޕެއިނަށް ލ އަތޮޅުގައެވެ. ފުރަތަމަ ބުރުގެ ނާތީޖާއާއެކު މުޢިއްޒު ވަނީ ކެންޕެއިން ދަތުރުތައް އަޮޅު ތެރެއަށް ފަށްޓަވައި ގިނަ ރަށްތަކަށް ދަތުރު ކުރައްވާފައެވެ.
އަދި އޭގެ ދޭތެރެއިން މާލޭގައި މަޑު ކުރައްވައި، މާލެ ސަރަހައްދުގައި ވެސް މުޢިއްޒު ވަނީ ކެންޕެއިން ޖަލްސާތަކާއި ހަރަކާތްތައް ބާއްވާފައެވެ. އެ ހުރިހާ ހަރަކާތްތަކުގެ ތެރެއިންވެސް ގިނަ ބޭފުޅުން ވަނީ ޕީޕީއެމާއި ވެސް ގުޅިވަޑައިގެންފައެވެ.
Advertisement
This content is created and paid for by advertisers and does not involve Voice Journalists
