ތިލަމާލެ ބްރިޖުގެ ތަނބެއް ނުފިގެން އިދިކޮޅުން "ހަޖޫޖެހިޔަސް" އެ ބުރިޖުގެ މަސައްކަތްތައް ދަނީ ބާރަށް ކުރިއަށް ކަމަށާއި ހުޅުލެ ބުރިޖުގެ މަސައްކަތަށްވުރެ އަވަހަށް ތިލަމާލެ ބްރިޖް ނިމޭނެކަމަށް ބެލެވޭކަމަށް ކަމަށް ޔޫތު ސްޕޯޓްސް އެންޑް ކޮމިއުނިޓީ އެމްޕަވާމަންޓްގެ މިނިސްޓަރު އަހުމަދު މަހުލޫފު ވިދާޅުވެއްޖެއެވެ.
މަހްލޫފް މިއަދު ކުރެއްވި ޓްވީޓެއްގައި ވިދާޅުވީ ބްރިޖްގެ ތަނބުތަކުގެ މަސައްކަތް ނިމޭއިރު ހުންނާނީ ބްރިޖް ރޭވުމަށް ވެސް ގާތްވެފައިކަމަށެވެ.
ހަގީގަތަކީ ބުރިޖުގެ މުހިއްމު އަދި ބައިވަރު އެތައް މަސައްކަތެއް މިއަދުވެސް ދަނީ ކުރިއަށް
މިނިސްޓަރ މަހުލޫފް
ތިލަމާލެ ބްރިޖުގެ މަޝްރޫޢުއަކީ އިންޑިއާގެ އެފްކޮންސް އިންފްރާންސްޓްރަކްޗާއާ ޙަވާލުކޮށްގެން ކުރިއަށް ގެންދާ މަޝްރޫއަކަށްވާއިރު، މިއީ މި ސަރުކާރުން ރާއްޖޭގައި ކުރިއަށް ގެންދާ އެންމެ ބޮޑު އުމްރާނީ މަޝްރޫޢުއެވެ.
މި މަޝްރޫޢު ކުރިއަށް ގެންދިޔުމަށްޓަކައި އިންޑިއާގެ އެގްޒިމް ބޭންކުން 400 މިލިއަން ޑޮލަރުގެ ލޯނެއްވެސް ސަރުކާރުންވަނީ ނަގައިފައެވެ.
ތިލަމާލެ ބްރިޖްގެ މަސައްކަތްތަކަށް ނިންމައި ބްރިޖް ހުޅުވާނެ ކަަމަށް ރައީސް ޞާލިޙް ވަނީ މީގެ ކުރިން އެކި ތާރީޚުތައް ދެއްވާފައެވެ. ނަމަވެސް ވެރިކަމުގެ 5 އަހަރު ނިމުނު އިރުވެސް އެ ބުރިޖުގެ މަސައްކަތް ނުނިމެއެވެ. ރައީސް ޞާލިޙް ފަހުން ވިދާޅުވި ގޮތުގައި އެ ބްރިޖުގެ މަސައްކަތް އަންނަ އަހަރު އެއްކޮށް ނިންމާލެވޭނެއެވެ.
Advertisement
This content is created and paid for by advertisers and does not involve Voice Journalists
