ކުރީގެ ސަރުކާރުތަކުގައި އިސް މަޤާމްތަކެއް ފުރުއްވާފައިވާ ޑރ.މުޙައްމަދު ޤުބާދު އަބޫބަކުރު ޕީޕީއެމްއާއި ގުޅިވަޑައިގެންފިއެވެ.
ގުބާދު ޕީޕީއެމްއާއި، ގުޅިވަޑައިގެންނެވި ފޯމާއި ހަވާލުވެވަޑައިގެންނެވީ ޕީޕީއެމް/ޕީއެންސީގެ ރިޔާސީ ކެންޑިޑޭޓް ޑރ. މުހައްމަދު މުއިއްޒުއެވެ.
އެމްއެންޕީގައި ހުންނެވުމަށްފަހު ރިޔާސީ އިންތިހާބުގެ ފުރަތަމަ ބުރުގައި ގުބާދު ވަނީ އެމްޑީޕީއާއި ގުޅިވަޑައިގެން އެ ޕާޓީގެ ރިޔާސީ ކެންޑިޑޭޓް ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހަށް ތާއީދު ކުރައްވާކަން ހާމަކުރައްވާފައެވެ.
ޤުބާދަކީ ރާއްޖޭގެ ގިނަ ސިޔާސީ ޕާޓީތަކެއްގައި މަސައްކަތް ކުރައްވާފައިވާ ބޭފުޅެކެވެ.
އެގޮތުން 2011 ވަނަ އަަހަރު އެމްޑީޕީއާއި ގުޅިވަޑައިގެންފައިވާއިރު އޭގެ ކުރިން އޭނާވަނީ ޑިއާރުޕީގަވެސް އުޅުއްވާފައެވެ. އަދި ރައީސް ޔާމިންގެ ވެރިކަމުގައި އޭނާވަނީ ޕީޕީއެމްގަވެސް އުޅުއްވިއެވެ.
އޭނާ ވަނީ ރައީސް ޔާމީންގެ ވެރިކަމުގައި އިސްލާމިކް މިނިސްޓްރީގެ ޑެޕިއުޓީ މިނިސްޓަރުކަން ވެސް ކުރައްވާފައެވެ. ނަމަވެސް ފަހުން 2016 ގައި އޭނާ ވަނީ އެ މަގާމުން ވަކިކޮށްފައެވެ.
Advertisement
This content is created and paid for by advertisers and does not involve Voice Journalists
