ކުރީގެ ޑިފެންސް މިނިސްޓަރ އަމީން ފައިސަލް ޕީއެންސީ/ޕީޕީއެމްގެ ރިޔާސީ ކެންޑިޑޭޓް ޑރ މުޙައްމަދު މުޢިއްޒަށް ތާއީދު ކުރެއްވުމަށް ނިންމެވި ކަމަށް އިޢްލާނު ކުރައްވައިފިއެވެ.
އަމީން ފައިސަލް މިކަން ހާމަކުރައްވައިފައިވަނީ ސޯޝަލް މީޑިއާގައި ކުރެއްވެވި ޕޯސްޓަކުންނެެވެ.
އަމީން ފައިސަލް އަކީ ރައީސް ނަޝީދުގެ ވެރިކަމުގައި ޑިފެންސް މިނިސްޓަރުގެ މަޤާމު ފުރުއްވައިފައިވާ ބޭފުޅެކެވެ. މީގެ އިތުރުން އެމްޑީޕީ އުފެދިގެން އައި ދުވަސްވަރު އަމީން ފައިސަލް އެމްޑީޕީ އާއި އެކު މަސައްކަތް ކުރައްވަން ވަނީ ފައްޓަވައިފައެވެ.
އެއާއި އެކު އެމްޑީޕީގެ ތެރޭގައި އިސް ދެލީޑަރުން ކަމަށްވާ ރައީސް އިބްރާހިމް މުޙައްމަދު ޞާލިޙާއި ރައީސް މުޙައްމަދު ނަޝީދާއި ޖެހިވަޑައިގެންނެވި މައްސަލައިގެ ތެރެއިން އެމްޑީޕީ އިން ވަކިވެ ދަ ޑިމޮކްރެޓްސް އަށް އަމީން ފައިސަލް ވަނީ ސޮއިކުރައްވައިފައެވެ.
ދަ ޑިމޮކްރެޓްސް އިން އިންތިޚާބުގެ ދެވަނަ ބުރުގައި އެއްވެސް ކެންޑިޑޭޓަކަށް ތާއީދު ނުކުރުމަށް ނިންމައިފައި ވާއިރު އެޕާޓީގެ ގިނަ ބަޔަކު ދަނީ ޑރ މުޢިއްޒަށް ތާއީދު ކުރުމަށް ނިންމަމުންނެވެ.
Advertisement
This content is created and paid for by advertisers and does not involve Voice Journalists
