އެމްޑީޕީ އާއި އެ ޕާޓީން މެމްބަރުން ވަކިވެ އުފެއްދި ޑިމޮކްރެޓްސް އެއްވުމުން ޕީޕީއެމްއަށް ވުރެ ވޯޓު ގިނަ ކަމަށް އެމްޑީޕީީގެ ރިޔާސީ ކެންޑިޑޭޓް ރައީސް އިބްރާހިމް މުހައްމަދު ޞާލިހު ވިދާޅުވެއްޖެ އެވެ.
ގދ. ތިނަދުއަށް ވަޑައިގެން އެރަށުގައި ރޭ ބޭއްވި ކެންޕެއިން ބައްދަލުވުމުގައި ވާހަކަ ދައްކަވަމުން ރައީސް ޞާލިހް ވިދާޅުވީ, ސިޔާސީ ގޮތުން ހިޔާލު ތަފާތުވި ނަމަވެސް ތިނަދޫ ސިޓީގެ ގިނަ ރައްޔިތުން ބޭނުންވަނީ އެމަނިކުފާނަށް ދެވަނަ ދައުރެއް ދޭން ކަމަށެވެ. ރައީސް އެފަދައިން ވިދާޅުވީ ތިނަދޫ ޑިމޮކްރެޓްސް ގެ ބައެއް މެންބަރުން އެމަނިކުފާނަށް ތާއީދު ކުރައްވާކަން ހާމަކުރެއްވުމުންނެވެ.
އެކަމަށް އިޝާރާތް ކުރައްވައި ރައީސް އިތުރަށް ވިދާޅުވީ، ޑިމޮކްރެޓްސް އާއި ޖުމްހޫރީ ޕާޓީގެ ޓީމުތައް ދެވަނަ ބުރުގައި އެމްޑީޕީއާ ގުޅުމަކީ އިންތިހާބު ކާމިޔާބު ކުރެވޭނެ ކަމުގެ ޔަގީންކަން ލިބޭ ކަމެއް ކަމަށެވެ.
"އަޅުގަނޑުމެންނާ އެކު ތިބި ބަޔަކު ފުރަތަމަ ބުރުގައި ކުޑަކޮށް ދުރަށް ޖެހިލުމުން އަޅުގަނޑުމެންނަށް ދަތިތައް ކުރިމަތިވި. ރާއްޖޭގެ ވަކި ވޯޓުތަކަށް ބަލާއިރު މުޅި ވޯޓަށް ބަލާއިރު ވެސް އެމްޑީޕީ އާއި ޑިމޮކްރެޓްސް އެއްވީމަ ޕީޕީއެމްއަށް ވުރެ ވޯޓު ގިނަ. އަޅުގަނޑުމެން ދެބައި މީހުން އެކަނި އެއްވީމާ މި އިންތިހާބު މިއޮތީ ބޮޑުތަނުން އަޅުގަނޑުމެންނަށް ކާމިޔާބުވެފައި،"
ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު
އެހެންކަމުން ހިޔާލު ތަފާތުވިނަމަވެސް އެންމެން ގުޅިގެން ކެމްޕެއިން ހަރަކާތުގައި އުޅޭ އުފާވެރި މަންޒަރު ފެނިގެންދާ ކަމަށް އެމަނިކުފާނު ވަނީ ވިދާޅުވެފައެވެ.
Advertisement
This content is created and paid for by advertisers and does not involve Voice Journalists
