އިދިކޮޅު ކޯލިޝަންގެ ރިޔާސީ ކެންޑިޑޭޓް ޑރ. މުހައްމަދު މުއިއްޒަށް ތާއިދު ކުރާ ޒުވާނުން އިސްނަގައިގެން ކުރިއަަށް ގެންދާ "މުއިއްޒު ފޯ އީ-ސްޕޯޓްސް" އިވެންޓް ފަށައިފިއެވެ.

މިއަދު މެންދުރު 14:00 އިން ފެށިގެން ޗަމްޕާ ސެންޓްރަލް ހޮޓެލްގެ އެއް ވަނަ އަދި ދެ ވަނަ ފަންގިފިލާގައި ފެށިގެން ކުރިއަށްދާ މި އިވެންޓް މިރޭ 11:00 ޖަހަންދެން ކުރިއަށް ގެންދާނެއެވެ. 

މި އިވެންޓް އިންތިޒާމް ކުރާ ފަރާތުން މައުލޫމާތުދިން ގޮތުގައި މި އިވެންޓްގައި 150 އެއްހާ ޒުވާނުން ބައިވެރިވާއިރު މި އިވެންޓްގައި ފީފާގެ މުބާރާތެއް ކުރިއަށްދާނެއެވެ. އަދި މި މުބާރާތުގައި ރާއްޖޭގެ ފީފާގެ ޓޮޕް ޕްލޭޔަރުންވެސް ބައިވެރި ވަމުންދާއިރު މުބާރާތުން އެއް ވަނައަށް ދާ ފަރާތަކަށް 15،000ރ ލިބިގެން ދާނެ ކަމަށްވެސް މައުލޫމާތު ދީފައިވެއެވެ. 

މީގެ އިތުރުން މި އިވެންޓްގައި ފޮޓޯ ބޫތް ބަހައްޓާފައިވާނެ ކަމަށާ ވީއާރް އެކްސްޕީރިއެންސް ކުރުމުގެ ފުރުސަތު ލިބިގެން ދާނެ ކަމަށް ބުނެފައިވެއެވެ.

ޑރ. އަށް ތާއީދު ކޮށް ޒުވާނުން ބާއްވާ މި އިވެންޓްގައި މިރޭގައި އެމަނިކުފާނު ވެސް ބައިވެރިވެވަޑައިގަންނަވާނެ ކަމަށާ އިވެންޓުގެ ތެރެއިން 400 އަށްވުރެ ގިނަ ޒުވާނުން މިރޭ ޑރ. މުއިއްޒު އެންޑޯސް ކުރައްވާ ގޮތަަށް ހަމަޖެހިފައިވާ ކަމަށް މައުލޫމާތު އިވެންޓް އޯގަނައިޒް ކުރާ ފަރާތުން ބުނެއެވެ.