އިންތިޤާލީ ތަރުޖަމާނަކަށް އަލްއުސްތާޒް މުޙައްމަދު ފިރުޒުލް ޢަބްދުالله ޙަލީލް އައްޔަނު ކުރައްވައިފިއެވެ.

ފިރުޒުލް މިމަޤާމަށް އައްޔަނު ކުރެއްވިކަން އިޢުލާނު ކުރައްވައިފައިވަނީ ރޭގެ ވަގުތެއްގައެވެ.

ފިރުޒުލް އަކީ އަލްމަދްރަސަތުލް ޢަރަބިއްޔަތުލް އިސްލާމިއްޔާ އިން ޝަހާދާ ޘާނަވިއްޔާ ހާސިލް ކުރައްވައި، މިޞްރުގެ ޖާމިޢަތުލް އަޒްހަރުން ޝަރީޢާގެ ދާއިރާއިން މަތީ ތަޢުލީމް ހާސިލް ކުރައްވައިގެން ހުންނެވި ޒުވާން ބޭފުޅެކެވެ.

އަލްއުސްތާޒް ފިރުޒުލް އަކީ ކީރިތި ޤުރުއާން ހިތުދަސް ބޭފުޅެއްކަން ފާހަގަ ކޮށްލަން ޖެހެއެވެ.

ވެރިކަން ބަދަލުވުމުގެ ކަންކަން ކުރިއަށް ދާ މިދަނޑިވަޅުގައި އެކަންކަން ކުރިއަށް ގެންދިޔުމަށް އެކުލަވައިލައިފައިވާ ކޮމިޓީގެ އެންމެ އިސް ފަރާތަކަށް ހަމަޖައްސައިފައިވަނީ ޕީއެންސީގެ ކުރީގެ ރައީސް ޢަބްދުއްރަޙީމެވެ.

ވެރިކަން ބަދަލުވުމުގެ މަރުޙަލާގައި ކުރައްވަން ޖެހޭ ހުރިހާ ކަމެއް ވީއެންމެ އަވަހަކަށް ކުރައްވާނެ ކަމަށް ރައީސް އިބްރާހިމް މުޙައްމަދު ޞާލިޙް ވިދާޅުވެފައިވާއިރު ވެރިކަން ބަދަލުވުމުގެ މަރުހަލާގެ ކަންކަން ކުރިއަށް ގެންދިއުމަށް ހާއްސަ ކޮމިޓީއެއް އުފައްދަވާފައެވެ. އެ ކޮމިޓީގެ އެންމެ އިސް ބޭފުޅެއްގެ ގޮތުގައި ރައީސް އޮފީހުގެ ކޯޕަރޭޓް ސާވިސް ސެކެޓްރީ ހުސައިން އާމިރު ހަމަޖެއްސަވާފައިވާއިރު ކަންކަން ވިލަރެސް ކުރައްވާނީ ޗީފް އޮފް ސްޓާފް އަލީ ޒާހިރު އެވެ.