ސައުދީ އަރަބިއްޔާގެ އެޑިއުކޭޝަން މިނިސްޓްރީން ރާއްޖެއަށް ދީފައިވާ 300 އަށް ވުރެ ގިނަ ސްކޮލަޝިޕްއަށް ކުރިމަތި ލުމުގެ ފުރުސަތު ހުޅުވާލައިފިއެވެ.

ސައުދީން ކޮށްފައިވާ އިއުލާނުގައިވާ ގޮތުން، މި ސްކޮލަޝިޕްގެ ދަށުން ކޮމްޕިއުޓަރ ސައިންސް، އެގްރިކަލްޗަރ، އެޑިއުކޭޝަނަލް ސްޕެޝިއަލިޓީސް، އިސްލާމިކް އެންޑް އަރަބިކް ލެންގްއޭޖް، އިންޖިނިއަރިންގް، ޕޮލިޓިކްސް، އިކޮނަމީ، ޝަރީއާއިންލޯ، ބިޒްނަސް މެނޭޖްމެންޓް އަދި މީޑިޔާ ދާއިރާއިން ކިޔެވުމުގެ ފުރުސަތު ލިބިގެންދާނެއެވެ. 

އަދި މި ސްކޮލަޝިޕް ފުރުސަތަށް ޝައުގުވެރިވާ ފަރާތްތަކުން، އޮންލައިން ޕޯޓަލް https://studyinsaudi.moe.gov.sa/  މެދުވެރިކޮށް ރަޖިސްޓްރީ ކުރުމަށް ހަޔާ އެޑިއުކޭޝަން މިނިސްޓްރީން ވަނީ އެދިފައެވެ.

Advertisement

މި ކޯސްތަކަށް ހޮވޭ ފަރާތްތަކުން، ކޯހަށް ފުރުމުގެ ކުރިން ކޯސް ހިންގާ އިންސްޓިއުޓަކީ މޯލްޑިވްސް ކޮލިފިކޭޝަން އޮތޯރިޓީ (އެމްކިޔުއޭ) އިން ގަބޫލު ކުރާ އިންސްޓިއުޓެއްތޯއާއި، ހޮވިފައިވާ ކޯހަކީ އެމްކިޔުއޭ އިން ގަބޫލުކުރާ ކޯހެއްތޯ ކަށަވަރު ކުރުމަށް ދިވެހިރާއްޖޭގެ ހަޔާ އެޑިއުކޭޝަނުން އެދިފައިވެއެވެ.

އަދި ޕްރޮފެޝަނަލް ނުވަތަ ލައިސެންސިންގ ދާއިރާތަކުގެ ކޯސް ހެދުމަށް ހޮވޭ ފަރާތްތަކުން ކޯހަށް ފުރުމުގެ ކުރިން ކަމާއިބެހޭ އިދާރާ ތަކުން ގަބޫލުކުރާ މަރުކަޒުތަކުން ނުވަތަ އިދާރާއަކުން ޤަބޫލުކުރާ ކޯހެއްތޯ ކަށަވަރުކުރަން ވަނީ އިލްތިމާސްކޮށްފައެވެ.