ހައްދުފަހަނައަޅާފައިވާ އިޒްރާއިލްގެ ސިފައިން ޣައްޒާގެ ޖަބަލިއްޔާ ރެފިއުޖީ ކޭމްޕަށް އިއްޔެ ދިން އަނިޔާވެރި ހަމަލާ ދިވެހިރާއްޖެއިން ހަރުކަށި ޢިބާރާތުން ކުށްވެރިކޮށްފިއެވެ.

އަންގާރަ ދުވަހު އިޒްރޭލުން ޖަބަލިއްޔާ ރެފިއުޖީ ކޭންޕަށް ދިން ވަރުގަދަ ހަމަލާގައި 100 އަށްވުރެ ގިނަ މީހުން ޝަހީދު ވެފައިވާ ކަމަށް ފަލަސްތީނުގެ ޚަބަރުތައް ގެނެސްދޭ މީޑިއާތަކުން ބުނެއެވެ. އޭގެ ތެރޭގައި ކުޑަކުދިންވެސް ހިމެނޭކަން ފާހަގަކޮށްލަންޖެހެއެވެ. 

އިޒްރާއީލްގެ މި ހަމަލާ އާއި ގުޅިގެން ފޮރިން މިނިސްޓަރ އަބްދުالله ޝާހިދު ކުރެއްވި ޓްވީޓެއްގައި ވަނީ އެ ހަމަލާގައި އެތަކެއް މައުސޫމު ރައްޔިތުން ޝަޙީދުވެ ގިނަ ބަޔަކު ޒަޚަމްވީ ޚަބަރު އެހީ ފުން ހިތާމަޔާއެކުގައި ކަމަށެވެ.

Advertisement

މިއާއެކު އޭނާ ވަނީ އާއްމު ރައްޔިތުންނަށް އަމާޒުކޮށް އިޒްރާއީލުން ދެމުންގެންދާ ލާއިންސާނީ ހަމަލާތައް ހުއްޓާލުމަށާއި އިންސާނީ ޙައްޤުތަކާބެހޭ ބައިނަލްއަޤްވާމީ ޤާނޫނުތަކަށް ތަބާވުމަށް ތަކުރާރުކޮށް ގޮވާލާފައެވެ. އަދި ޣައްޒާގެ ރައްޔިތުންނަށް އެއްވެސް ހުރަހެއް ނެތި އެހީ ފޯރުކޮށްދެވޭނޭ މަގު ފަހިކޮށްދިނުމަށްވެސް އޭނާ ވަނީ ގޮވާލާފައެވެ.

އިޒްރާއިލާއި ފަލަސްޠީނާއި ދެމެދު މިފަހުން ހިނގަމުންދާ ހަނގުރާމައިގައި މިހާތަނަށް 8400 އަށްވުރެ ގިނަ މީހުން ވަނީ ޝަހީދުވެފައެވެ. އޭގެތެރޭގައި 3,500 އަށްވުރެ ގިނަ ކުދިން ހިމެނޭ ކަމަށްވެސް މީޑިއާ ރިޕޯޓްތައް ބުނެއެވެ.