ހުޅުމާލޭ ދެވަނަ ފިޔަވަހީގައި ތަރައްގީ ކޮށްފައިވާ ވިނަރެސް ޕްލެޓްތަކުގެ ތެރެއިން ނުވިކި ބާކީ ހުރި ފްލެޓްތައް ގަންނަން ހުޅުވާލި ފުރުސަތުގައި ބައި ގަޑިއިރު ތެރޭގައި ފެލްޓްގެ ބާކީ ނުވިކި ހުރި ހުރިހާ ފްލެޓެއް ވިކިއްޖެއެވެ. 

މިއަދު ހެނދުނު 10:00 ގައި ފްލެޓުތައް ގަތުމަށް ހުޅުވާލި ފުރުސަތުގައި ބައި ގަޑިއެއްހާއިރު ތެރޭގައި ވިއްކުމަށް ހުޅުވާލި ބާކީ ހުރި 123 ފްލްޓް ވަނީ ވިކިފައެވެ.   

ވިނަރެސް މަޝްރޫއުގައި ހިމެނޭ 10 ޓަވަރަކީ  މެދު ފަންތީގެ ބޯހިޔާވަހިކަމަށް ހާއްސަ ކޮށްގެން ހިޔާގެ ތެރެއިން ކުރިޔަށް ގެންދިޔަ މަޝްރޫއެކެވެ. ވިނަރެސް ފްލެޓްތަކުގައި ހިމެނެނީ 13 ބުރީގެ 10 ޓަވަރެވެ. އޭގެ ތެރޭގައި ތިން ކޮޓަރީގެ 1،344 އެޕާޓްމަންޓް ހިމެނެއެވެ. ވިނަރެސް ފްލެޓަށް ކުރިމަތިލުމަށް ހުޅުވާލީ މާލޭ މީހުންނާއި މާލޭގައި ދިރިއުޅޭތާ 15 އަހަރުވެފައިވާ މީހުންނަށެވެ. އަދި ހިޔާ ފްލެޓްތަކުން ފްލެޓް ދޫކޮށްލި މީހުނާއި، ސީލައިފާއި ގުޅީފަޅުން ފައިސާ ދައްކާ ފްލެޓް ނުލިބުނު މީހުން ހިމެނެއެވެ.  

Advertisement

މި ފްލެޓްތަކަށް ރުފިޔާ އިންސްޓޯލްމަންޓް އުސޫލުން 20-25 އަހަރުން ދެއްކޭއިރު،  ޕްރޮޖެކްޓް ނިންމައި ތަން ހަވާލުކުރުމާ ހަމައަށް އިންސްޓޯލްމަންޓަށް ބަހާލައިގެން ޑައުންޕޭމަންޓް ދެއްކޭނެ ކަމަށް ވެސް އެ އަރބަންކޯއިން ބުނެއެވެ.