މިހާރު ފެންނަން މިއޮތް އެއާޕޯޓް މަޝްރޫޢުގެ "ކްރެޑިޓް" ދޭންޖެހެނީ ކުރީގެ ރައީސް ޔާމީން އަބްދުލްގައްޔޫމަށް ކަމަށް ރައްޔިތުންގެ މަޖިލިހުގެ އުނގޫފާރު ދާއިރާގެ މެމްބަރު މުހައްމަދު ވަހީދު (ވައްޑޭ) ވިދާޅުވެއްޖެއެވެ.
ވައްޑޭ މިފަދައިން ވިދާޅުވެފައި މިވަނީ މިއަދު ކުރެއްވި ޓްވީޓެއްގައެވެ.
ވައްޑޭ މިފަދައިން ވިދާޅުވީ ވެލާނާ އިންޓަނޭޝަނަލް އެއާޕޯޓުގެ އެކްސްޕެންޝަން ޕްރޮޖެކްޓަށް ބޭނުންވާ ފައިސާ ޔޫއޭއީގެ އަބޫ ދާބީ ފަންޑް ފޯ ޑިވެލޮޕްމަންޓު (އޭޑީއެފްޑީ)ން ހަމަޖެއްސީ މި ސަރުކާރުން ކަމަށް ވާހަކަތައް ފެތުރެމުންދާ ވަގުތެއްގައެވެ.
އިންތިޚާބީ ރައީސުލްޖުމްހޫރިއްޔާ ޑރ މުހައްމަދު މުޢިއްޒުގެ ވަޢުދާއި އެއްގޮތަށް ރާއްޖޭގެ މައި ދޮރާށި، ވެލާނާ އިންޓަނޭޝަނަލް އެއާޕޯޓު ތަރައްޤީ ކުރުމުގެ މަޝްރޫޢު ނިންމުމަށް ޔޫއޭއީން 1.2 ބިލިއަން ދިވެހި ރުފިޔާ ދޭން ނިންމައިފައި ވާކަމަށް އިންތިހާބީ ރައީސްގެ އޮފީހުން ކަށަވަރު ކޮށްދީފައި ވާއިރު ފިނޭންސް މިނިސްޓަރު އަމީރު ވަނީ އެ ފައިސާ އަކީ މާކުރިން މި ސަރުކާރުގެ މަސައްކަތުން ހަމަޖެހިފައިވާ ފައިސާ ކަމަށް ވިދާޅުވެފަ އެވެ.
އެކަމާއި ގުޅިގެން އައުސަރުކާރާއި އަދުގެ ސަރުކާރާއި ދެމެދު ބަހުސްތައް ކުރިއަށްދާއިރު ވައްޑޭ ވަނީ އޭނާ ދެކެލައްވާ ގޮތުގައި އެއާޕޯޓް މަޝްރޫއު ގެ ކްރެޑިޓް ހައްގީ ރައީސް ޔާމީނަށް ކަމަށް ވިދާޅުވެފައެވެ.
Advertisement
This content is created and paid for by advertisers and does not involve Voice Journalists
