ލުބުނާނުން ދިން ހަމަލާއެއްގައި ޔަހޫދީންތަކެއް ޒަޚަމްވެއްޖެއެވެ.
ޔަހޫދީ އަސްކަރިއްޔާއިން ހާމަކޮށްފައިވާ ގޮތުގައި، އިސްރާއީލާއި ލުބުނާން ދެމެދު ލުބްނާން ބޯޑަރު ސަރަަހައްދުގައި ހަމަލާތަކެއް ބަދަލުކޮށްފައިވާއިރު، ލުބުނާނުން ދިން މިސައިލް ހަމަލާއެއްގައި ޔަހޫދީންގެ އެތައް ބަޔަކު ވަނީ ޒަޚަމްވެފައިއެވެ. އަދި މި ހަމަލާގައި އެކަކު ވަނީ މަރުވެފައެވެ.
މިދިޔަ އޮކްޓޯބަރު މަހުގެ ހަތްވަނަ ދުވަހު ޔަހޫދީން ޣައްޒާއަށް ހަމަލާދޭން ފެށި އިސްރާއީލު ސިފައިންނާއި ބޯޑަރު ސަރަހައްދުގައި ހަރަކާތްތެރިވާ ހިޒްބުاللهއާ ދެމެދު ކުރިމަތިލުންތައް ދަނީ ހިނގަމުންނެވެ.
އިސްރާއީލުގެ އެމްބިއުލާންސް ސާވިސްގެ ތަރުޖަމާނަކާ ހަވާލާދީ އިސްރާއީލުގެ މީޑިއާތަކުން ރިޕޯޓުކޮށްފައިވާ ގޮތުގައި، މި ހަމަލާގައި އެކަކު މަރުވެފައިވާއިރު އިތުރު މީހަކަށް ސީރިއަސް އަނިޔާތަކެއް ލިބިފައިވާ ކަމަށާއި އިތުރު ފަސް މީހަކު ޒަޚަމްވެފައިވާ ކަމަށެވެ.
މިކަމާ ބެހޭގޮތުން ލުބްނާންގެ މިލިޓަރީން ބުނީ މިއީ އިސްރާއީލްގެ ލާއިންސާނީ އަނިޔާވެރިކަމުގެ ސަބަބުން ހިފި ބަދަލެއް ކަމަށެވެ.
Advertisement
This content is created and paid for by advertisers and does not involve Voice Journalists
