2024 ވަނަ އަހަރު ބޭއްވުމަށް ހަމަޖެހިފައިވާ ރައްޔިތުންގެ މަޖިލިހުގެ އިންތިޚާބުގައި ޕީޕީއެމް/ޕީއެންސީ ގެ ޓިކެޓްގައި ރައްޔިތުންގެ މަޖިލިހުގެ ނައިފަރު ދާއިރާއަށް ވާދަކުރާކަން އަބްދުالله ސިޔާޒް އިއުލާނުކޮށްފިއެވެ. 

ޅ ނައިފަރަށް ނިސްބަތްވާ ރައީސް ޔާމީނުގެ ވަކީލުންގެ ޓީމުގައިވެސް ހިމެނި ވަޑައިގަންނަވާ ސިޔާޒް ކުރިއަށް އޮތް މަޖިލިހުގެ އިންތިޚާބުގައި ވާދަކުރައްވާކަން އިއުލާނުކުރެއްވި އިރު މިހާރު އެ މަޤާމުގައި ހުންނެވީ ޕީޕީއެމްގެ ނައިބްރައީސް އަހުމަދު ޝިޔާމްއެވެ. ބެލެވޭ ގޮތުން އަލަށް އިންތިޚާބު ކުރެވުނު ސަރުކާރުގެ އިސް މަގާމަކަށް އެބޭފުޅާ ބަދަލުވެވަޑައިގަންނަވާނެއެވެ. 

މަޖިލިސް އިންތިޚާބުގައި ވާދަކުރައްވާކަން އިއުލާނު ކުރައްވައި ސިޔާޒް ކުރެއްވި ޕޯސްޓްގައި ބުނެފައިވަނީ، ރައްޔިތުގެ މަޖިލިހުގެ އިންތިހާބުގައި ނައިފަރު ދާއިރާގެ ޕްރައިމަރީގައި ވާދަކުރެއްވުމަށް ނިންމާފައިވާކަމަށާއި، އެ ނިންމުން އެގޮތަށް ނިންމައިފައިވަނީ، ނައިފަރު ދާއިރާގެ ރައްޔިތުންގެ ވިސްނުމާއި އެއްގޮތަށް، ސަރުކާރާއި ގުޅިގެން ތަރައްގީ ހާސިލްކުރުމަށާއި ދިވެހިންގެ ރާއްޖެ މެނިފެސްޓޯ ތަންފީޒުކުރުމަށްކަމުގައެވެ. 

Advertisement

ރައްޔިތުންގެ މަޖިލިހުގެ އިންތިޚާބަށް ބާކީ 5 ވަރަކަށް މަސްދުވަހަށް ވެފައިވާއިރު، މި އިންތިޚާބުގައި ޕީޕީއެމް/ޕީއެންސީގެ ފަރާތުން ޕްރައިމަރީގައި ވާދަކުރާ ފަރާތްތަކުން އަންނަނީ އެކަން އިއުލާނުކުރަމުންނެވެ.