ކުރިއަށް އޮތް ރައްޔިތުންގެ މަޖިލީހުގެ އިންތިޚާބުގައި ހެންވޭރު ހުޅަނގު ދާއިރާއަށް ޕީޕީއެމް/ޕީއެންސީ ޓިކެޓްގައި ވާދަކުރައްވާނެ ކެންޑިޑޭޓެއް ކަނޑައެޅުމަށް ބާއްވާ ޕްރައިމަރީގައި ވާދަކުރައްވަން ޢަލީ އިބްރާހީމް، ކައްޕި ނިންމަވައިފިއެވެ. 

މާލޭސިޓީ ހ. މަދަރާގެ އަށް ނިސްބަތްވާ ޢަލީ އިބުރާހީމް މިކަން އިއުލާން ކުރައްވައި ފޭސްބުކުގައި ކުރެއްވި ޕޯސްޓުގައި ވަނީ ދާއިރާގެ ރައްޔިތުންގެ ތާޢީދު އޭނާއަށް ދެއްވުމަށް އެދިލައްވައިފައެވެ.

ކައްޕި އަކީ ނިޔުރޭޑިއަންޓް ސްޕޯޓްސް ކްލަބްގެ މެނޭޖަރއެވެ. އަދި އޭނާއަކީ ޕީޕީއެމްގެ މެންބަރެއްގެ އިތުރުން ދާއިރާގެ ރައީސް އެއްވެސް މެއެވެ. ހަމައެހެންމެ، އޭނާ ވަނީ އިންތިޚާބީ ރައީސް ޑރ މުހައްމަދު މުއިއްޒުގެ ކެންޕެއިން ކަންކަމުގައި ވެސް އިސްކޮށް ހަރަކާތްތެރިވެފައެވެ. 

Advertisement

ކައްޕި މަޖިލީހަށް ވާދަކުރައްވާކަން އިއުލާން ކުރެއްވުމާ އެކު، ދިވެހި ރާއްޖެގެ ފުރަތަމަ ސްޕޯޓްސް ކޮމިޝަނަރ، އަހްމަދު ނަޝީދު (ޓީސީ ޑޭވް)، ވަނީ ކައްޕި އެންޑޯޒްކުރައްވާފައެވެ.

ޕީޕީއެމް ޕީއެންސީން ވަނީ ރައްޔިތުންގެ މަޖިލީހުގެ އިންތިޚާބުގެ ޕީޕީއެމް، ޕީއެންސީގެ ޕްރައިމަރީ 2024 ވަނަ އަހަރުގެ ޖަނަވަރީ 20 ގައި ބާއްވާ ގޮތަށް ހަމަޖައްސައިފައެވެ.

އަދި އެ ކޯލިޝަނުން ވަނީ ރައްޔިތުންގެ މަޖިލީހުގެ ޕްރޮގްރެސިވް ކޮންގްރެސް ކޯލިޝަންގެ ޓިކެޓަށް ޝައުޤުވެރިވެރިވާ ޕީޕީއެމް ޕީއެންސީގެ މެންބަރުން އެކަމަށް އެދި ހުށަހެޅުމުގެ ފުރުޞަތު 2023 ޑިސެންބަރު 20 އިން ފެށިގެން 31 ގެ ނިޔަލަށް ހުޅުވާލާ ގޮތަށް ހަމަޖައްސާފައެވެ.