މިއަދު ރާއްޖޭގެ ރައީސުލް ޖުމްހޫރިއްޔާގެ މަޤާމުގެ ހުވައި ކުރެއްވެވި ރައީސް ޑރ މުޙައްމަދު މުޢިއްޒުގެ އެޑްވައިޒަރުންނަށް މުހައްމަދު އަލީ ޖަނާޙާއި މުހައްމަދު ޙަލީލު އައްޔަނު ކުރައްވައިފިއެވެ.
ރައީސް ޑރ މުޢިއްޒުގެ ކެބިނެޓް މިނިސްޓަރުން މަޤާމުގެ ހުވައި ކުރެެއްވަމަށް ފަހު ރައީސް އޮފީހުގައި މިރޭ ބޭއްވުނު ރަސްމިއްޔާތުގައި ރައީސް އޮފީހުގެ އިސްމަޤާމުތަކަށް ބޭފުޅުން އައްޔަނު ކުރައްވައިފައިވެއެވެ.
އެގޮތުން ރައީސުލްޖުމްހޫރިއްޔާގެ އޮފީހުގެ ޕްރިންސިޕަލް އެޑްވައިޒާ ޓު ދަ ޕްރެޒިޑެންޓް އޮން ޓްރޭޑް އެންޑް އިންވެސްޓްމަންޓްގެ މަޤާމަށް އައްޔަނު ކޮށްފައިވަނީ ޖަނާޙެވެ. އެޑްވައިޒާ ޓު ދަ ޕްރެޒިޑެންޓް އޮން ޓޫރިޒަމް ޑިވެލޮޕްމަންޓްގެ ގޮތުގައި ހަމަޖެއްސަވައިފައިވަނީ މަންޓާ އެއާގެ ސީއީއޯ ހަލީލެވެ.
މި ދެބޭފުޅުންނަކީ އެއްވެސް މުސާރައެއް އިނާޔަތެއް ނުނަންގަވާގޮތައް ހަމަޖައްސަވާފައިވާ ދެ ބޭފުޅުންނެވެ.
މީގެ އިތުރުން ވެސް ރައީސުލްޖުމްހޫރިއްޔާ ވަނީ، މިނިސްޓްރީ އޮފް ފޮރިން އެފެއާޒްގެ އެމްބެސެޑާ އެޓް ލާޖް އޮފް ދަ މިނިސްޓްރީ އޮފް ފޮރިން އެފެއާޒްގެ މަގާމަށް ޑޮކްޓަރ ޢަލީ ނަޞީރު މުޙައްމަދާއި، މިނިސްޓަރ އޮފް ސްޓޭޓް ފޮރ ފޮރިން އެފެއާޒްގެ މަގާމަށް މުޙައްމަދު ޝަހުދީ ހަމަޖައްސަވާފައެވެ.
Advertisement
This content is created and paid for by advertisers and does not involve Voice Journalists
