ރައީސުލްޖުމްހޫރިއްޔާ ޑރ މުހައްމަދު މުއިއްޒު ވެރިކަމުގެ ޤާނޫނީ ހުވައިކުރެއްވުމަށް ބޭއްވި ރަސްމިއްޔާތައް ރާއްޖެއިން ބޭރުން ވަޑައިގެންނެވި އިއްޒަތްތެރިންނާއި ރައީސް ޑރ މުޙައްމަދު މުޢިއްޒުއާއި ނައިބު ރައީސް ހުސެއިން މުޙައްމަދު ލަތީފުގެ ދެކަނބަލުން ބައްދަލުކުރައްވައިފިއެވެ.
މިބައްދަލުކުރެއްވުން ބާއްވަވާފައި ވަނީ، ރޭ ކުރުނބާ މޯލްޑިވްސްގައެވެ.
ރައީސް ޑރ މުއިއްޒު ބޭރުގެ އިއްޒަތްތެރިންނާއި ބައްދަލުކުރައްވަނީ
މި ބައްދަލުކުރެއްވުމުގައި ދިވެހިރާއްޖޭގެ ރައީސުލްޖުމްހޫރިއްޔާ ކަމުގެ މަޤާމު ކުރިން ފުރުއްވާފައިވާ ބޭފުޅުންނާއި، ރައްޔިތުންގެ މަޖިލީހުގެ ރައީސާއި، ދިވެހިރާއްޖޭގެ އުއްތަމަ ފަނޑިޔާރާއި، ވަޒީރުންގެ މަޖިލީހުގެ މެމްބަރުންނާއި، ރައްޔިތުންގެ މަޖިލީހުގެ ބައެއް މެމްބަރުންނާއި، ބޭރު ޤައުމުތަކުގެ ބައެއް ޢިއްޒަތްތެރިން ބައިވެރިވެވަޑައިގެންނެވިއެވެ.
ރައީސް ޑރ މުއިއްޒު ބޭރުގެ އިއްޒަތްތެރިންނާއި ބައްދަލުކުރައްވަނީ
ކުރުނބާ މޯލްޑިވްސްގައި ކުރިއަށް ދިޔަ މި ބައްދަލުވުމުގައި ބައެއް ބޭފުޅުންނާއި ވަކިވަކިން ވެސް ރައީސް ބައްދަލުކުރައްވައިފައިވެއެވެ.
ރައީސް ޑރ މުއިއްޒު ވެރިކަމުގެ ހުވައި ކުރައްވައިފައިވަނީ އިއްޔެ ހަވީރު ބޭއްވުނު ރަސްމިއްޔާތެެއްގައެވެ. މި ރަސްމިއްޔާތުގައި އެމަނިކުފާނުގެ ނައިބު ހުސެއިން މުޙައްމަދު ލަޠީފްވެސް ވަނީ ހުވައި ކުރައްވައިފައެވެ.
ރައީސް ކަމުގެ ހުވައި ކުރުމުގެ ރަސްމިއްޔާތައް ފަހު ރޭގެ ވަގުތެއްގައި ވަނީ ރައީސް ޑރ މުޢިއްޒުގެ ކެބިނެޓްގައ ހިމެނިވަޑައިގަންނަވާ ވަޒީރުން ހުވާކުރައްވާފަ އެވެ. އަދި އެއަށްފަހު ސަރުކާރުގެ އިސް ބައެއް މަޤާމުތަކަށް ވެސް ވަނީ ބޭފުޅުން އައްޔަންކުރައްވާ މަޤާމުގެ ފަތްކޮޅު ހަވާލުކުރައްވާފަ އެވެ.
Advertisement
This content is created and paid for by advertisers and does not involve Voice Journalists
