އާ ސަރުކާރުގެ ޑިފެންސް މިނިސްޓަރުކަމުގެ މަޤާމަށް ކުރީގެ ރައީސް މައުމޫނު އަބްދުލްގައްޔޫމްގެ ދަރިކަލުން މުޙައްމަދު ޣައްސާން މައުމޫނު އައްޔަންކުރެއްވުމާއި ގުޅިގެން، ބައްޕާފުޅު ރައީސް މައުމޫނު މަރުޙަބާ ދަންނަވައިފި އެވެ. 

ރައީސް މައުމޫން މިނިސްޓަރ ޣައްސާނަށް މަރްޙަބާ ދެންނެވީ އެމަނިކުފާނު ކުރެއްވެވި ޓްވީޓެއްގައެވެ.

ރައީސް މައުމޫން ވިދާޅުވެފައިވަނީ ރައީސް ޑރ މުޙައްމަދު މުޢިއްޒު ޣައްސާން ހޮއްވަވައިފައިވަނީ ވަރަށް މުހިންމު މިނިސްޓްރީ އެއް ހިންގުމަށް ކަމަށެވެ.

Advertisement

އަދި ރައީސް މައުމޫންގެ ޓްވީޓުގައި ދިވެހިންގެ މިނިވަން ކަމާއި ދިވެހިންގެ އެއްބައިވަންތަކަން ވަރުގަދަ ކުރުމުގެ މަސައްކަތުގައި ޣައްސާންގެ އަށް ރަނގަޅު މަގު އިޚްތިޔާރު ކުރުމަށް މާތް الله ތައުފީޤް ދެއްވުން އެދި ދުޢާ ކުރައްވައިފައިވެއެވެ.

މިނިސްޓަރ ޣައްސާން މީގެ ކުރިން ހުންނެވީ ރައްޔިތުންގެ މަޖިލީހުގެ ތ ގުރައިދޫ ދާއިރާގެ މެމްބަރެއްގެ ގޮތުގައެވެ.

ރައީސް މައުމޫން ވަނީ ރާއްޖެގެ 8 ވަނަ އިންތިޚާބީ ރައީސް ޑރ މުހައްމަދު މުއިއްޒަށް ހޫނު މަރުހަބާއެއް ދަންނަވައި ޓްވީޓެއް ކުރައްވައިފައެވެ. އަދި ރައީސް މައުމޫންގެ އެ ޓުވީޓުގައި ވަނީ ހުވައި ކުރުމުގެ ރަސްމިއްޔާތުގައި ރައީސް ޑރ މުޢިއްޒު ދެއްވެވި ތަޤްރީޜަށް ވެސް ތަޢުރީފު ކުރައްވައިފައެވެ.