ރާއްޖޭގައި ތިބި އިންޑިޔާ ސިފައިން އަނބުރާ ގެންގޮސްދެއްވުމަށް ދިވެހި ސަރުކާރުން ރަސްމީ ގޮތުން އިންޑިޔާ ސަރުކާރުގައި އެދިއްޖެއެވެ.
މިކަމަށް އެދިވަޑައިގަތީ ރައީސް ޑރ މުޙައްމަދު މުޢިއްޒު އިންޑިޔާގެ މިނިސްޓަރ އޮފް އަރތް ސައިންސެސް ކިރަން ރިޖޫ އާއެކު މިއަދު ރައީސުލްޖުމްހޫރިއްޔާގެ އޮފީހުގައި ބޭއްވެވި ބައްދަލުކުރެއްވުމުގައި ދެބޭފުޅުންގެ ދެމެދުގައި ދެއްކެވި ވާހަކަފުޅުގައެވެ.
މިކަމަށް އެދިވަޑައިގަތީ ރައީސް ޑރ މުޙައްމަދު މުޢިއްޒު އިންޑިޔާގެ މނިިސްޓަު އޮފް އަރތް ސައިންސެސް ކިރަން ރިޖެޖޫ އާއެކު މިއަދު ރައީސުލްޖުމްހޫރިއްޔާގެ އޮފީހުގައި ބޭއްވެވި ބައްދަލުކުރެއްވުމުގައި ދެބޭފުޅުންގެ ދެމެދުގައި ދެއްކެވި ވާހަކަފުޅުގައެވެ.
ރާއްޖޭގައި ތިބި އިންޑިޔާ ސިފައިން ރާއްޖެ އިން ބޭލުމަކީ ރައީސް ޑރ މުޢިއްޒު ވެރިކަމަށް ވަޑައިގަތުމުގެ ކުރިން ވެވަޑައިގެންނެވި ވަޢުދެކެވެ.
އެގޮތުން ރައީސް ޑރ. މުޢިއްޒުގެ ފުރަތަމަ 100 ދުވަހުގެ ވަޢުދުފުޅުތަކުގެ ތެރޭގައި އެންމެ އިސްކަމެއްދެއްވާ ފުރަތަމަ ކަމެއްގެ ގޮތުގައި ހިމަނުއްވާފައި ވަނީ ވެސް އިންޑިޔާ ސިފައިން އަނބުރާ ފޮނުވާލެއްވުމެވެ. ވެރިކަމަށް ވަޑައިގަންނަވާ ފުރަތަމަ ދުވަހުން ފެށިގެން ވެސް އެ މަސައްކަތްޕުޅު ފައްޓަވާނެ ކަމަށް މުޢިއްޒު ވަނީ ވަޢުދުވެޑައިގެންފައެވެ.
ރިޔާސީ ކެމްޕެއިންގައި ވެސް ވަނީ އިންޑިޔާ ސިފައިން ރާއްޖެއިން އަނބުރާ ފޮނުވާލައްވާނެ ކަމުގެ ފުރިހަމަ ޔަޤީންކަން ދެއްވާފައެވެ. އެއަށްފަހު ރިޔާސީ އިންތިޚާބު ކާމިޔާބު ކުރެއްވުމަށްފަހު، އިންތިޚާބީ ރައީސްގެ ހައިސިއްޔަތުން އިންޑިޔާގެ ސަފީރާއި ބައްދަލު ކުރައްވާ ދެއްކެވި ވާހަކަފުޅުގައި ވެސް ވަނީ އިންޑިޔާގެ ސިފައިން ރާއްޖޭގައި ތިބުމަށް ބޭނުންވެވަޑައިނުގަންނަވާ ކަމަށް ވިދާޅުވެފައެވެ.
އިންޑިޔާ ސަފީރުވެސް ވަނީ ރައީސް ޑރ މުޢިއްޒުގެ އެ ނިންމެވުމަށް އިޚްތިރާމް ކުރައްވާނެ ކަމަށް ވިދާޅުވެފައެވެ.
Advertisement
This content is created and paid for by advertisers and does not involve Voice Journalists
