އިޒްރޭލު ޕާސްޕޯޓު އޮންނަ މީހުން ރާއްޖެ އެތެރެވުން މަނާވާގޮތަށް އިމިގްރޭޝަން ގާނޫނު އިސްލާހުކުރަން ރައްޔިތުންގެ މަޖިލީހަށް ހުށަހަޅައިފި އެވެ.

މި އިސްލާހު ހުށަހަޅުއްވާފައިވަނި ނޮޅިވަރަމް ދާއިރާގެ މެންނަރު މުހައްމަދު ނަޝީދު (މޮސްޓާ) އެވެ. 

މޮސްޓާ އެ އިސްލާހުގައި ހުށަހަޅުއްވާ ސަބަބެއް ކަމަށް ވިދާޅުވީ، އިޒްރޭލުން އެކިއެކި އިސްލާމީ ގައުމުތަކަށް، ހާއްސަކޮށް ޣައްޒާގެ ރައްޔިތުންނަށް ދެމުންދާ އުދުވާނީ ހަމަލާތަކުގައި، ހަނގުރާމައާ ގުޅުމެއްނެތް މުސްލިމް އެތައް ބަޔަކު ޝަހީދުވެ, އެ ހަމަލާތަކުގައި ގައްޒާގެ އަސާސީ ހިދުމަތްތައް ބަންދުކޮށް، ހޮސްޕިޓަލްތަކާއި، ސްކޫލުތަކާއި، ރެފިއުޖީ ކޭމްޕުކޮށް ސުންނާފަތިކޮށް، އިންސާނިްޔަތާ ހިލާފު އެތައް އަމަލުކުތަކެއް ހިންގަމުންދާތީ ކަމަށެވެ. 

އަދި ހަރުކަށި ޔަހޫދީންގެ އެ އަމަލުތައް ކުށްވެރުކޮށް، އެއްވެސް ގޮތަކުން އިޒްރޭލަށް އެހީއަކަށް ވެދާނެ އެންމެހާ ކަންކަން ހުއްޓުވުމަށްޓަކައި އަރަބި އެކި ގައުމުތަކުންނާއި ރާއްޖެ ވެސް ހިމެނޭ، އޯއައިސީ ގައުމުތަކުން އިޒްރޭލު ޕާސްޕޯޓު މަނާކުރުމަށް އެކި ފިޔަވަޅުތައް އަޅާފައިވާތީ، ރާއްޖެއިން ވެސް އެ ގައުމުތައް ނަމޫނާއެއް ކަމަށް ދެކި، އިޒްރޭލު ރައްޔިތުން ރާއްޖެއަށް އެތެރެވިޔަ ނުދިނުމަށް އިސްލާހު ހުށަހަޅުއްވާ ކަމަށް މޮސްޓާ ވިދާޅުވި އެވެ.

މޮސްޓާ ވަނީ މަޖިލީހުގެ ހުރިހާ ދާއިރާއެއްގެ އާއްމު ރައްޔިތުން އެ ރައްޔިތުންގެ ދާއިރާގެ މެންބަރު އަރިހުގައި އެ ބިލަށް ތާއީދުކޮށްދެއްވުމަށް އެދުމަށް ދަންނަވާފައެވެ.