ރައީސުލްޖުމްހޫރިއްޔާ ހުންނަވާ ދައުލަތުގެ ގެކޮޅު މުލިއާގެ މަރާމާތު ކުރާނީ އެ ގެކޮޅުގެ ތާރީހީ އަސްލުތައް ނުގެއްލޭގޮތަށް ކަމަށް ރައީސް އޮފީހުގެ އަންޑަ ދެކެޓްރީ ފޯ ޕަބްލިކް ޕޮލިސީ މުހައްމަދު ފިރުޒުލް ވިދާޅުވެއްޖެ އެވެ.
ފިޒުލުލް މިފަދައިން ވިދާޅުވެފައި ވަނީ ރައީސް އޮފީހުގެ ފަރާތުން މިއަދު ބޭއްވި ނޫސްވެރިންގެ ބައްދަލުވުމުގައި ނޫސްވެރިއަކު ކުރި ސުވާލަށް ޖަވާބުދެއްވަމުން ނެވެ.
ފިރުޒުލް ވިދާޅުވީ މުލީއާގެ މަރާމާތުކުރަން ސީދާ ޚަރަދުވަނީ ކިހާ ވަރެއްކަން ދަންނަވަން ދަތިކަމަށެވެ. އެހެން ނަމަވެސް ރައީސުން ބަދަލުވެ، އާ ރައީސް ގެކޮޅަށް ވަޑައިގަތުމުގެ ކުރިން މުލިއާގޭގެ އާބާތުރަފިލުވާ މަރާމާތުގެ މަސައްކަތް ކުރުމަކީ އަބަދުވެސް ކުރަމުން އަންނަ ކަމެއްކަން އޭނާ ފާހަގަކުރެއްވި އެވެ.
އެއާއެކު ފިރުޒުލް ވިދާޅުވީ މުލީއާގެ މަރާމާތު ކުރި ކަމަވެސް، އެކަން ކުރާނީ ގެކޮޅުގެ ތާރީހީ އަސްލުތައް ނުގެއްލޭނެހެން ކަމަށެވެ. އަދި އެކަމުގެ ޔަގީންކަން ވެސް ދެއްވާކަމަށް ފިރުޒުލް ވިދާޅުވި އެވެ.
"މަރާމާތުގެ ކަންކަން ކުރިއަށް ދާއިރު، އެ ގެކޮޅުގެ އަސްލަށް، ތާރީހީ އާސާރުތަކަށް ބަދަލެއް އަންނަ އެއްވެސް ކަމެއް ނުހިނގާނެ. މަރާމާތުގެ ކަންތައްތަކަކީ އޭގެ ޒާތުގައި ކޮންމެ ފަހަރަކުވެސް އަދި ވެރިކަން ބަދަލުނުވި ނަމަވެސް މެއިންޓަނެންސްއަށް ކުރަން ޖެހޭ މަސައްކަތްތަކާއި ކަންތައްތައް ކުރެވިގެންދާނެ"
ރައީސް އޮފީހުގެ އަންޑާ ސެކެޓްރީ ފިރުޒުލް
ރައީސުލްޖުމްހޫރިއްޔާ ޑރ މުހައްމަދު މުއިއްޒުގެ ދެކަނބަލުން މުލިއާގެއަށް ދިރިއުޅުން ބަދަލުކުރައްވާނީ ޑިސެމްބަރު މަހުގައެވެ.
މުލިއާގެ އިން ކުރީގެ ރައީސް އިބްރާހިމް މުހައްމަދު ސޯލިހްގެ ދެކަނބަލުން ނިކުމެވަޑައިގަތުމާ އެކު ގެކޮޅު މަރާމާތު ކުރުމުގެ މަސައްކަތް މިހާރު ވަނީ ފަށާފައެވެ.
Advertisement
This content is created and paid for by advertisers and does not involve Voice Journalists
