ރާއްޖޭގެ އަމިއްލަ އެއާލައިން، މަންޓާ އެއާއިންގެ ދަތުރުތައް އިތުރަށް ފުޅާކޮށް އެ އައެއަރލައިންސް ގެ ދަތުރުތައް އިންޑިއާގެ ބެންގަލޫރަށް އަންނަ އަހަރުގެ ކުރީކޮޅު ފަށާނެ ކަމަށް މަންޓާ އެއަެލައިންސް އިން ބުނެފިއެވެ.
އިންޑިއާގެ ނޫހަކަށް ދެއްވި އިންޓަރވިއު އެއްގައި މަންޓާ އެއަރލައިންސްގެ ޑެޕިއުޓީ ޗީފް އެގްޒެކެޓިވް އޮފިސަރު އަހުމަދު މައުމޫން (މާނު) ވިދާޅުވީ، ބެންގަލޫރަސް މަންޓާ އެއަރލައިންސް އިން ފެށުމަށް ހަމަޖެހިފައިވާ އޮޕަރޭޝަން ފަށަން ނިންމާފައި ވަނީ އަންނަ އަހަރުގެ ޖެނުއަރީ މަހުގެ 24 ވަނަ ދުވަހުކަމަށެވެ.
މީގެ އިތުރުން މައުމޫން ވިދާޅުވެފައިވާ ގޮތުގައި ބެންގަލޫރަށް ދަތުރު ފެށުމުގެ އެއް ބޭނުމަކީ ކޮވިޑުގެ އާލަމީ ވަބާއަށް ފަހު ދަތުރުފަތުރަށް އައި ބަދަލުތަކާއެކު އިންޑިއާ ފަދަ ކައިރި މަންޒިލްތަކުން ރަނގަޅު ނަތީޖާއެއް ފެންނަން އޮތުމެވެ.
އެގޮތުން އެ މުއްދަތުގައި އެ ގައުމުން 240،000 ފަތުރުވެރިން ރާއްޖެ ޒިޔާރަރްކުރި ކަން ފާހަގަކޮށް މައުމޫން ފާހަގަކުރެއްވީ، އަންނަ އަހަރު ތެރޭގައި މަންޓާއިން އިންޑިއާގެ ޓްރިވެންޑްރަމް އާއި ކޮޗިން އަށް ދަތުރު ފެށުމުގެ ޕްލޭން ތަކެއް ވެސް އޮތް ކަމެވެ.
މީގެ އިތުރުން އެ އެއަރލައިންސްއިން އެކަށީގެންވާ ބޮޑު މަންތިންދާ ބޯޓެއް ގެނެސް ނިއުދިއްލީ އާއި މުންބާއީ އަށް ދަތުރުތަށް ފުޅާ ކުރުމުގެ ޕްލޭނެއް އޮތްކަން ވެސް މާނު ފާހަގަ ކުރެއްވިއެވެ.
މަންޓާ އެއާއިން އެ ކުންފުނީގެ އިންޓަނޭޝަނަލް ދަތުރުތަށް ފަށަން އުޅޭކަން މީގެ ކުރިން ވަނީ އިއުލާނުކޮށްފައެވެ.
Advertisement
This content is created and paid for by advertisers and does not involve Voice Journalists
