ކްލައިމެޓް ވަލްނަރަބަލް ފޯރަމް (ސީވީއެފް) ގެ ސެކްރެޓަރީ ޖެނެރަލް އަކަށް ރާއްޖޭގެ ކުރީގެ ރައީސް، ރައީސް މުޙައްމަދު ނަޝީދު ހަމައްޖައްސައިފިއެެވެ.
ސީވީއެފް އިން ކޮށްފައިވާ ޓްވީޓެއްގަައި ބާބަޑޯސް އަށާއި އެޤައުމުގެ ބޮޑުވަޒީރު މިއާ އަމޯރް މޮޓެލީ އަށް ސީވީއެފްގެ ރައީސް ކަަމަށް ހޮވިފައިވާތީ ވަނީ މަރުޙަބާ ދަންނަވައިފައިވެއެވެ. އަދި ސީވީއެފްގެ ސެކްރެޓެރީ ޖެެނެރަލް އަކަށް ރައީސް ނަޝީދު ހޮވިފައިވާތީ އެމަނިކުފާނަށްވެސް ވަނީ މަރުޙަބާ ދަންނަވައިފައެވެ.
މިކަމާއި ގުޅިގެން ރައީސް ނަޝީދު ކުރައްވައިފައިވާ ޓްވީޓެއްގައި ވިދާޅުވެފައިވަނީ އެމަޤާމު ހަވާލުކުރެއްވައި އެމަނިކުފާނަށް އިތުބާރު ކުރެއްވެވި ކަމަށް ޓަކައި ޝުކުރުއަދާކުރައްވައިފައިވެއެވެ. އަދި ސެކްރެޓަރީ ޖެނެރަލްގެ މަޤާމުގައި ހުންނަވައިގެން އެންމެ ރަނގަޅަސް މަސައްކަތް ކުރައްވާނެ ކަމަށެވެ.
ރައީސް ނަޝީދު ވަނީ މީގެ ކުރިން ސީވީއެފްގެ ތީމެޓިކް އެމްބަސިޑަރ ކަން ވެސް ކުރައްވައިފައެވެ.
ރައީސް ނަޝީދު ފާހަގަވެފައިވަނީ ތިމާވެށީގެ ކަންކަމުގައި އަޑު އުފުލާ ބޭފުޅެއްގެ ގޮތުގައެވެ.
ދިވެހިރާއްޖެ އަކީ ސީވީއެފްގެ މެމްބަރު ޤައުމެކެވެ. ސީވީއެފްގެ އެންމެ ފުރަތަމަ ބައްދަލުވުން ބޭއްވިފައިވަނީ 2009 ވަނަ އަހަރު ދިވެހިރާއްޖޭގައެވެ.
Advertisement
This content is created and paid for by advertisers and does not involve Voice Journalists
