ރާއްޖޭގައި މައިކްރޯ ފައިނޭނެންސް ބޭންކެއް ޤާއިމް ކުރުމާ ގުޅޭ ގޮތުން މަޝްވަރާ ކޮށްފިއެވެ.

މި މަޝްވަރާ ތައް ކޮށްފައިވަނީ ދިވެހިރާއްޖޭގެ ރައީސް ޑރ މުޙައްމަދު މުޢިއްޒާއި، އިސްލާމިކް ޑިވަލޮޕްމެންޓް ބޭންކްގެ ރައީސް ޑރ މުޙައްމަދު އަލް ޖާސިރު އާއި ދެމެދުއެވެ.

މި މަޝްވަރާތަކުގައިި ރައީސް ޑރ މުޢިއްޒާއި، ޑރ މުޙައްމަދާއި ދެމެދު މަޝްވަރާކުރެވުނު ކަންކަމުގެ ތެރޭގައި އިސްލާމިކް ފައިނޭންސްގެ ދާއިރާ ކުރިއެރުވުމާއި، ޒަކާތް ހައުސް ބިނާކުރުމާއި، ވަޤުފް ޕްރޮގްރާމެއް ހިންގުމާއި، މައިކްރޯފައިނޭންސް ބޭންކެއް ޤާއިމު ކުރުން ހިމެނެއެވެ.

Advertisement

މީގެ އިތުރުން ރައީސް މުޢިއްޒާއި އައިއެސް.ޑީ.ބީގެ ރައީސްގެ މި ބައްދަލު ކުރެއްވުމުގައި، ދިވެހިރާއްޖެއާއި އިސްލާމިކް ޑިވެލޮޕްމަންޓް ބޭންކާ ދެމެދުގައި އޮތް ގުޅުން އިތުރަށް ބަދަހި ކުރެއްވުމާ ގުޅޭ ގޮތުންވެސް ދެ ބޭފުޅުން ޚިޔާލު ބަދަލު ކުރެއްވިއެވެ.

މިބައްދަލުވުން ބާއްވައިފައިވަނީ މިހާރު ޔުނައިޓެޑް އަރަބް އެމިރޭޓްސް (ޔޫ.އޭ.އީ)ގައި ކުރިއަށްދާ ޔުނައިޓެޑް ނޭޝަންސް ފްރޭމްވަރކް ކޮންވެންޝަން އޮން ކްލައިމެޓް ޗޭންޖްގެ ކޮންފަރެންސް އޮފް ދަ ޕާޓީސްގެ 28 ވަނަ ސެޝަންގެ ހަވާސާގައެވެ.