މާލެސިޓީ ކައުންސިލްގެ ހުސްވެފައިވާ މޭޔަރ ކަމުގެ މަގާމަށް ޕީއެންސީގެ ޓިކެޓްގައި ވާދަކުރައްވާ، ކުރީގެ ބަންޑާރަނައިބް އައިޝަތު ޢާޒިމާ ޝަކޫރު، ކެންޕެއިނަށް ވިލިމާލޭ ދޮރުން ދޮރަށް ހިންގަވައިފިއެވެ.
ޢާޒިމާގެ ވިލިމާލޭ ކެންޕެއިން ހަރަކާތް އިއްޔެ ހަވީރު ފެށިފައިވާއިރު، އެ ހަރަކާތުގެ ތެރެއިން، ވިލިމާލޭ ގެތަކާއި، އާއްމުން ގިނައިން އެއްވެ އުޅޭ ތަންތަނުގައިވެސް ވަނީ ކުރިއަށް ގެންދަވާފައެވެ. އެގޮތުން، ބާޒާރު މައްޗާއި، ފިހާރަތަކުގައި އެ ހަރަކާތްތައް ކުރިއަށް ގެންގޮސްފައިވެއެވެ.
އާޒިމާގެ ވިލިމާލޭ ކެންޕެއިން ހަރަކާތުގެ ތެރެއިން--
މި ކެންޕެއިން ހަރަކާތުގެ ތެރެއިން ވިލިމާލޭގެ ގިނަ ފަރާތްތަކަކާއި ބައްދަލުވެ، އެ ފަރާތްތަކުގެ ހުރި ކަންބޮޑުވުންތައް ޢާޒިމާ އާއި ވަނީ ހިއްސާ ކޮށްފައެވެ.
ކެންޕެއިން ހަރަކާތުގައި ވިލިމާލޭ އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ ބައެއް މެންބަރުންނާއިވެސް ޢާޒިމާ ބައްދަލު ކުރައްވާފައިވެއެވެ.
އާޒިމާގެ ވިލިމާލޭ ކެންޕެއިން ހަރަކާތުގެ ތެރެއިން--
ވިލިމާލޭގައި ބޭއްވުނު ކާމިޔާބު ކެންޕެއިން ހަރަކާތަށްފަހު، މިއަދު ހަވީރާއި މިރޭ ހުޅުމާލޭގައި ޢާޒިމާގެ ކެންޕެއިން ކުރިއަށް ގެންދިޔުމަށް ހަމަޖެހިފައިވާ ކަމަށް އެ ޓީމުން މައުލޫމާތު ދެއެވެ.
Advertisement
This content is created and paid for by advertisers and does not involve Voice Journalists
