ކުރިއަށް ހުރި އިންތިޚާބުތަކުގައި ދެ ޕާޓީން އެކުގައި މަސައްކަތް ކުރުމަށް އެމްޑީޕީއާއި ޖުމްހޫރީ ޕާޓީއާއި ދެމެދު މަޝްވަރާ ބައްދަލުވުމެއް ކުރިއަށް ގެންގޮއްސިއެވެ.
މި ބައްދަލުވުމުގައި ދެ ޕާޓީގެ ވާހަކަތަކަށް ފަހު, ކުރިއަށް ހުރި އިންތިހާބު ތަކުގައި ދެ ޕާޓީ ގުޅިގެން ކުރެވިދާނެ ކަންކަން ދެނެގަތުމަށްޓަކައި އިތުރު ބައްދަލުވުންތައް ބޭއްވުމަށް ވަނީ ނިންމައިފައި ކަމުގައި އެމްޑީޕީން ބުނެއެވެ.
2015 ވަނަ އަހަރުން ފެށިގެން ސިޔާސީ މައިދާނުގެ ގިނަ މަސައްކަތްތަކެއްގައި ޖުމްހޫރީ ޕާޓީން އަންނަނީ އެމްޑީޕީއާއެކުގައި މަސައްކަތް ކުރަމުންނެވެ.
އެ ގޮތުން ޖުމްހޫރީ ޕާޓީއަކީ 2018 ވަނަ އަހަރު އުފެދުނު އެމްޑީޕީގެ ސަރުކާރުގައި ކޯލިޝަން ޕާޓްނަރެއްގެ ގޮތުގައި ދައުރު ނިމުމާ ހަމައަށް އެއްބާރުލުންދީ ރައްޔިތުންނަށް ފައިދާހުރި ސިޔާސަތުތައް ތަންފީޒުކުރުމުގައި ބައިވެރިއެއްގެ ގޮތުގައި ހަރަކާތްތެރިވި ޕާޓީއެއް ކަމުގައި އެމްޑީޕީން ފާހަގަކުރެއެވެ.
އެމްޑީޕީން އިއްޔެ ވަނީ 2018 ވަނަ އަހަރު ކޯލިޝަން ޕާޓްނަރެއްގެ ގޮތުގައި އޮތް އަދާލަތު ޕާޓީއާއެކުވެސް މަޝްވަރާތަކެއް ކުރިއަށް ގެންގޮއްސައެވެ.
Advertisement
This content is created and paid for by advertisers and does not involve Voice Journalists
