އަންނަ އަހަރުގެ ޖޫން މަހު އެމެރިކާގައި ބާއްވާ ކޮޕާ އެމެރިކާ ފުޓްބޯޅަ މުބާރާތުގެ ގުރުލުން މިއަދު ބޭއްވިއިރު، އެންމެ ފަހުގެ ޗެމްޕިއަން އާޖެންޓީނާ އާއި ވާދަވެރި ޗިލީ އެއް ގުރޫޕެއްގައި ވާދަކުރަން ޖެހިއްޖެއެވެ.

2015 އަދި 2016 ވަނަ އަހަރު ބޭއްވުނު މުބާރާތުގެ ފައިނަލްގައި މިދެޓީމު ވާދަކުރި އިރު، މި ދެފަހަރު ވެސް އާޖެންޓީނާ ބަލިކޮށް މުބާރާތުގެ ޗެމްޕިއަންކަން ހޯދީ ޗިލީ އެވެ. އަދި މި ދެ ގައުމާއެކު ގްރޫޕް އޭގައި ދެން ހިމެނެނީ ޕެރޫ އާއި ކެނެޑާ އަދި ޓްރިނިޑާޑް އެންޑް ޓޮބޭގޯއެވެ.

ގްރޫޕް ބީގައި ހިމެނެނީ މެކްސިކޯ އާއި އިކުއެޑޯ އަދި ވެނެޒުލޭނާގެ އިތުރުން ޖެމެއިކާއެވެ. ގްރޫޕް ސީގައި ހިމެނެނީ މުބަރާތް ބާއްވާ ގައުމު އެމެރިކާ އާއި އުރުގުއޭ އަދި ޕެނަމާގެ އިތުރުން ބޮލީވިއާއެވެ. 9 ފަހަރު މުބާރާތް ކާމިޔާބުކޮށްފައިވާ ބްރެޒިލް ހިމެނުނީ ގްރޫޕް ޑީގައެވެ. މިގުރޫޕްގައި ކޮސްޓްރިކާ އާއި ކޮލަމްބިއާގެ އިތުރުން ދެން ހިމެނެނީ ހޮންޑިއުރަސް އެވެ.

Advertisement

މިއީ 1916 ވަނަ އަހަރު ބާއްވަން ފެށި ދެކޮނު އެމެރިކާ ސަރަހައްދުގެ އެންމެ ޝަރަފްވެރި ފުޓްބޯޅަ މުބާރާތް ބާއްވާ 48 ވަނަ ފަހަރެވެ. އަދި މިއީ މި މުބާރާތް އެމެރިކާގައި ބާއްވާ ދެވަނަ ފަހަރެވެ. އެގޮތުން މިމުބާރާތަށް 100 އަހަރު ފުރުން ފާހަގަ ކުރުމުގެގޮތުން ބޭއްވުނު ޚާއްސަ އެޑިޝަން ބޭއްވީ ވެސް އެމެރިކާގައެވެ.