އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ހަތް އަތޮޅު ކައުންސިލަކާއި ބައްދަލުކުރައްވައިފިއެވެ.

އަތޮޅު ކައުންސިލްތަކާއެކު ބޭއްވުނު ސްޓްރެޓެޖިކް މަޝްވަރާތަކުގައި އިމާމް ތަމްރީނާއި ރިސާލާ ޕްރޮގްރާމާއި އެންޑޯމެންޓް ޕްރޮޖެކްޓްތައް ހިންގުމަށް ބާރުއެޅުމުގެ އިތުރުން އެކި ރަށްރަށުގައި ވަޤުފް ޕްރޮގްރާމްތައް ބޭއްވުމުގެ މުހިންމު މަސައްކަތްތަކާ ބެހޭ ގޮތުން މަޝްވަރާކުރައްވާފައިވާކަމަށް އިސްލާމިކް މިނިސްޓްރީން ބުނެއެވެ.

މިއަދު އިސްލާމިކް މިނިސްޓަރު ބައްދަލުކުރެއްވި ހަތް އަތޮޅު ކައުންސިލްތަކުގެ ތެރޭގައި ހިމެނެނީ ލ، ކ، ގއ، ގދ، އައްޑޫ ސިޓީ، އަދި ފުވައްމުލައް ސިޓީއެވެ.

Advertisement

މި ސްޓްރެޓެޖިކް މަޝްވަރާތަކުން ދައްކުވައިދެނީ އެއްބާރުލުން އިތުރުކުރުމާއި ދީނީ ތައުލީމު އިތުރުކުރުމާއި މުޖުތަމައު ތަރައްގީކުރުމާއި މި ސަރަހައްދުތަކުގައި ދެމެހެއްޓެނިވި މަޝްރޫއުތައް ގާއިމްކުރުމަށް އަމާޒުކޮށްގެން ހިންގާ ޕްރޮގްރާމްތައް ފައިދާހުރި ގޮތެއްގައި ހިންގުމަށް މިނިސްޓްރީން ކުރާ މަސައްކަތްކަން އެ މިނިސްޓްރީން ބުނެއެވެ.

އިސްލާމިކް މިނިސްޓަރީން ބުނީ މި މަސައްކަތަކީ ރައީސް ޑރ.މުޙައްމަދު މުޢިއްޒުގެ މެނިފެސްޓޯގައި ބަޔާންކޮށްފައިވާ މެންޑޭޓްތަކާ އެއްގޮތްވާ މަސައްކަތެއް ކަމަށެވެ.

އަދި މި ވައުދު ފުރިހަމަކުރުމަށް ރާއްޖޭގެ ހުރިހާ އަތޮޅު ކައުންސިލްތަކާއި މިނިސްޓަރު ޑރ.ޝަހީމް ބައްދަލުކުރެއްވުމަށް ހަމަޖެހިފައިވާ ކަމަށެވެ.