ކުރިއަށް އޮތް ރައްޔިތުންގެ މަޖިލީހުގެ މިލަންދޫ ދާއިރާގެ ޕީޕީއެމް، ޕީއެންސީ ކޯލިޝަންގެ ޕްރައިމަރީގައި ވާދަކުރައްވާ ޕީޕިއެމްގެ ސެނެޓަރު ނަބީލް ޒަމީލް ކެންޕެއިން ހަރަކާތްތައް ވަރުގަދަކޮށްފިއެވެ.
މިލަންދޫ ދާއިރާއަށް ޕީޕީއެމް/ޕީއެންސީގެ ޓިކެޓްގައި ވާދަކުރައްވަން ނިންމަވައި އެންމެ ފުރަތަމަ އެ ދާއިރާގެ ޕްރައިމަރީއަށް ފޯމު ހުށަހެޅުއްވީ ވެސް ނަބީލް ޒަމީލެވެ.
އޭނާ މިހާރު އަންނަނީ ކެމްޕޭން ބާރަށް ކުރިއަށް ގެންދެވުމަށް ދާއިރާގެ ރަށްތަކަށް ވަޑައިގެން ރައްޔިތުންނާ ބައްދަލުކުރައްވަމުންނެވެ.
ނަބީލް ދާއިރާ ރައްޔިތުންނާ ބައްދަލު ކުރައްވަނީ--
ނަބީލަކީ ރައީސް ޔާމީން މިނިވަންކުރުމަށް ގޮވާލާ ބޭއްވުނު ހަރަކާތާއި އެނޫންވެސް، ޕީޕީއެމް/ޕީއެންސީ އިދިކޮޅުގައި އޮވެގެން، ހިންގި މަގުމަތީ ހަރަކާތްތަކުގައި ވަރަށް އިސްކޮށް ބައިވެރިވެވަޑައިގެންނެވި ބޭފުޅެކެވެ. އެ ހަރަކާތްތަކުގެ ތެރޭއިން ވަރަށް ގިނަ ފަހަރު އޭނާ ވަނީ ހައްޔަރުވެސް ކޮށްފައެވެ.
ޕީޕީއެމް/ޕީއެންސީގެ ޕްރައިމަރީގައި ބައިވެރިވާކަން އިއުލާން ކުރައްވަމުން ނަބީލް ވަނީ ރައީސް ޑރ. މުޙައްމަދު މުއިއްޒުގެ ސަރުކާރު ދިފާޢުކޮށް ޕީޕީއެމް/ޕީއެންސީގެ ކޯލިޝަންގެ ތަސައްވުރު ހާސިލުކުރުމަށް ސަރުކާރުން މަސައްކަތް ކުރާއިރު ޤާނޫނީ ގޮތުން މަޖިލީހުގެ ޒިންމާ އަދާކޮށް، ސަރުކާރު ދިފާއުކޮށް، ޖަވަަބުދާރީކޮށް، ރައްޔިތުންގެ ހެވަށާއި ލާބައަށް އަބަދާއި އަބަދުމެ އޭނާ މަސައްކަތް ކުރާނޭ ކަމަށް ވިދާޅުވެފައެވެ.
ޕީޕީއެމް/ޕީއެންސީގެ މަޖިލިސް ޕްރައިމަރީ އޮންނާނީ އަންނަ ޖެނުއަރީ މަހުގެ 20 ވަނަ ދުވަހުއެވެ.
Advertisement
This content is created and paid for by advertisers and does not involve Voice Journalists
