ފަރުޟު ފަސްނަމާދު އޭގެ ވަގުތުގައި ޤާއިމުކުރުމަށް ރައީސުލްޖުމްހޫރިއްޔާ ޑރ.މުހައްމަދު މުއިއްޒު ދިވެހި ރައްޔިތުންނަށް ނަސޭހަތްތެރިވެ ވަޑައިގެންފިއެވެ.

މާތްވެގެންވާ އިސްލާމްދީނުގެ މުހިންމު އެއް ތަނބަކީ ފަރުޟު ފަސް ނަމާދު ކަމަށް އެމަނިކުފާނު ވަނީ މިރޭ އޮތް ހުރަވީ ދުވަހުގެ ޖަލްސާގައި ވާހަކަފުޅު ދައްކަވަމުން ވިދާޅުވެފައެވެ.

ރައީސް ޑރ.މުއިއްޒު ވަނީ ޚާއްސަކޮށް ފަތިސް ނަމާދުގެ ޖަމާޢަތް ހީނަރުވިޔަ ނުދީ ފަތިސް ނަމާދުގެ ބަރަކާތުން ދުވަސް ފެށުމުގެ އުފާ ލިބިގަންނަ އާއިލާއަކަށް ދިވެހި ކޮންމެ އާއިލާއެއް ވުމަކީ އެމަނިކުފާނުގެ ހިތުގެ ދުޢާއެއްކަމަށް ވެސް ވިދާޅުވެފައެވެ.

މީގެ އިތުރުންވެސް އެމަނިކުފާނު ވިދާޅުވީ ނަމާދުގެ ޖަމާޢަތް އޭގެ ފުރިހަމަ މާނައިގައި ބައިބޯ ވެއްޖެ ނަމަ، ޤައުމު ވަރުގަދަވެ ބާއްޖަވެރިވާނެ ކަމަށެވެ.